Minusima balacogo ka sin ka yɔrɔ bila, o bε gεlεya don basigiko la
Kidali kɔnɔ. O siratigε la, Mali sɔrɔdasiw ɲεmɔgɔso ka kunnafoniso
« Dirpa » ye laseli kε, ka Minusima ka janfa jira Kidaliko la.
Mali ɔrɔdasiw k’u y’a mεn tarata ɔkutɔburukalo tile 31 san 2023, ko Minusima ye a dagayɔrɔ bila Kidali, k’a sɔrɔ a m’o latεmεn Mali sɔrɔdasiw ma, i n’a fɔ o wajibiyalen don a kan cogo min na a dagayɔrɔw labilali la.
Wa nin tε Minusima siɲε fɔlɔ ye nin waleya la. A ye Agelihɔku dagayɔrɔ fana labila nin cogoya kelen na ɔkutɔburukalo tile 23 san 2023 Mali sɔrɔdasiw ɲinεma, k’o to kojugubakεlaw bolo. A ma ɲε min kɔ, sɔrɔdasiw wajibiyara k’olu bunnten ni pankurunw ye ka yɔrɔ tigiya ta ni fanga ye.
Sɔrɔdasiw tun ye Minusima ka janfa jira, ka diɲεmaa ladɔnniya o la, ko
Minusima taacogo ka Agelihɔku bila, o bε
gεlεya don basigiko la.
Kuma wεrε ma sɔrɔ Minusima fε, ko ale y’a dagayɔrɔ labila Kidali, k’a ka baara ban Kidali mara kɔnɔ. A y’o laseli de kε k’a jira
ko a y’a ka jama tɔ labɔ Kidali kɔnɔ pankurunw na ani mɔbiliw la ɔkutɔburukalo
tile 31 san 2023.
Minusima ka pankurun laban bɔra Kidali ntεnεndon ɔkutɔburukalo tile 30 san 2023 ka se Gawo. Nka, ko jama tɔ bɔra
mɔbiliw
fε ka Gawo sεgεrε tarata kalo tile 31. Cadi sɔrɔdasi
minnu tun bε Agelihɔku ani Tesaliti, olu ye yɔrɔ
bila ɔkutɔburukalo
tile 21 ka se a tile 23 ma, ka Gawo lasɔrɔ kalo tile 29 san 2023.
Kidali kεra Munusima dagayɔrɔ 8nan labilalen ye Mali kɔnɔ a dagayɔrɔ mumε 13 la. O dagayɔrɔw tun sigilen bε jamana cεmancε, a
kɔrɔnyanfan ani Bamakɔ kɔnɔ.
K’a daminε zuluyekalo la ka se sisan ma, Minusima mɔgɔ 6.000 ɲɔgɔnna de ye Mali
bila fɔlɔ, diɲε tɔnba ONU ka basigi sabatilijεkulu ka sariya 2690 ka laɲinin kɔnɔ. O siratigε la Minusima ka kan ka Mali bila
pewu yanni desanburukalo tile 31 san 2023 ka tεmεn.
Abubakari
TARAWELE
Dɔkala
Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
