Kunnafoni in lasera o don kelen
telewisɔn na mara ni
desantaralizasɔn minisiri Kolonεli Abudulayi Mayiga fε. A da sera
dansagonwalew ma, Alize bεnkansεbεn in kɔnɔko waleyaliko la fɔkabεn kama Mli kɔnɔ.
N’o ye jogo kuraw tali ye marifatigikuluw
fε, minnu tun y’u bolonɔ bila Alize bεnkansεbεn na lafiya ni fɔkabεn sɔrɔli la Mali kɔnɔ. A y’a jira k’u yεlεmana ka kε kojugubakεlaw ye, Mali sariya bε k’u nɔbɔ o la ; sabula u yεrε ye
kojugubakεwale caman kofɔ, u ye minnu kε.
Diɲεmaa ye fɔkabεn ɲεmɔgɔya don jamana min fana bolo,
wajibiko minnu tun dantigεra, o ma se k’olu matarafali diyagoya marifatigikuluw
kan, minnu y’u bolonɔ bila bεnkansεbεn na, Mali furancεlafanga gɔfεrεnaman kεlen k’a ka nisɔngoyajiraw k’a la. O nisɔngoyajira kεra ni laselisεbεn ye fɔkabεn minisiri fε ka ɲεsin Alize bεnkansεbεn kɔnɔko waleyali ma lafiya ni fɔkabεn ani jamanadenw tin donni na ɲɔgɔn na ka taa a fε, feburuyakalo tile
24 san 2023. O sεbεn in cira Alizeri jamana ɲεmɔgɔw ma ; ka da a kan Alizeri de ye fɔkabεn ani cεfɔli ɲεmɔgɔ ye.
Ɲinε ma kε
Alizeri faamaw ka dansaonwale tɔw kɔ, u ye minnu
kε k’o sudon Alize bεnkan na, kasɔrɔ u ka jamana ye cεfɔli ɲεmɔgɔ ye, i n’a fɔ a dantigεra laselisεbεn n°064 kɔnɔ cogo min na zanwuyekalo tile 25 san
2024 Mali furancεlafanga gɔfεrεnaman fε.
Ka kεɲε ni nin majε juguba fɔlenw ye, mara ni desantaralizasɔn minisiri ka fɔ la, furancεlafanga gɔfεrεnaman y’a kɔlɔsi, ko Alize bεnkan lafiya ni fɔkabεn sɔrɔli la Mali kɔnɔ, n’a bolonɔbilala
san 2015, o tε se ka waleya cogo si la. O siratigε la, Minisiri Mayiga y’a
lase, ko Alize bεnkan banna pewu.
Gɔfεrεnaman k’a ŋaniya ye gεlεya in
furakεli ye lafiya kɔnɔ Malidenw
yεrε dama cε, ka dεn a ye
jateminε minnu kε bεnkan kɔrɔ tεmεnnenw na. O la, a b’a ɲinin marifatigikuluw fε, minnu y’u
bolonɔ bila Alize
bεnkansεbεn na, o min banna pewu, n’u nɔrɔgɔlen tε kojugubakεwale la, ka fara Mali jεɲɔgɔnw kan, fɔkabεn Malidenw yεrε damacε, u k’o
hailila in bila u kun na. A dayεlεlen don Maliden bεε ye, minnu hami ye lafiya
sɔrɔli ye, i n’a fɔ furancεlafanga jamanakuntigi
Kolonεli Asimi Goyita y’o laɲinin kε cogo min na a ka laseli senfε san kura
dugawudon kɔnɔ ka ɲεsin fasodenw ma desanburukalo tile
31 san 2023.
Gɔfεrεnaman b’a sinsin nin laseli in
kan, ka wele bila Malidenw ma, an tin donni ɲɔgɔn na ka taa a fε, an ka dɔ fara o cεsiri kan ani ka fɔkabεn ni lafiya sɔrɔli ɲεtaa sababti.
Suleyimani SIDIBE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
