Nin kεra a siɲε fɔlɔ ye donba in ka laɲεnamaya Kidali mara kɔnɔ. Kidali mara gɔfεrεnεri Zenerali de diwisɔn Ɛlihaji Agi Gamu ye kεnε in nafa
jira a ka laseli kɔnɔ Mali fan bεε fε.
Zenerali Gamu ye foli ni tanuni
lase furancεlafanga ɲεmɔgɔw ma u ka cεsiri la jamanadenw haminanko gεlεnw
waleyali la Kidali mara kɔnɔ. Gεlεya minnu tun bε Kidali da la, da sera olu ma.
Jama ye wulikajɔba min kε donba in laɲεnamayali la, a y’o fana foli kε.
Fɔkabεn minisiri yεrε ye foli ni
tanuni lase gɔfεrεnεri ani Kidali mara mɔgɔ bεε ma a n’a nɔfεjama kunbεncogo ɲuman na. A ka fɔ la, nin taama in kεra jamana ka
yεrεmahɔrɔnya yεrε-yεrε sɔrɔli laɲεnamayali hukumu kɔnɔ ; o min sigira senkan ni furancεlafanga jamanakuntigi Kolonεli Asimi
Goyita ka laɲinin ye.
Kolonεli-mazɔri Isimayεli Wage bolo, donba in laɲεnamayali nafa bε furancεlafanga ɲεmɔgɔw wuli ka jɔ kun bɔ, ka Kidali dabolo kɔrɔ lasegin a ma. A ko Mali ɲεmɔgɔw hami ye ka waleyaw kε, minnu bε hεrε
kunsin jamana ma.
Mali
ka yεrεmahɔrɔnya yεrε-yεrε sɔrɔli tako 2nan laɲεnamayali lajε kεra iniwεrisite min ɲεsinnen bε tubabukan ani hadamadenya dɔnniyaw ma Bamakɔ ((ULSHB). A ɲεmɔgɔya tun bε minisiriɲεmɔgɔ Dr Sogεli Kokala Mayiga bolo. A baaraw nun
donna kunun dɔgɔkun kelen kuntaala kama jamana fan bεε fε. Jamana jɔli kura minisiri ka ɲεsin gɔfεrεnaman ni fangabulonw cε koɲεnabɔ ma Ibarahimu Ikasa Mayiga, sannayεlεnkalan ni ɲininni minisiri Pr Burema Kansayi, ka fara
gɔfεrεnaman
minisiri caman wεrεw kan, ani kalanaden kɔrɔba caman yεrε, olu tun b’a kεnε kan.
Hakililajigin
na, san o san, an ka jamana bε zanwuyekalo tile 14 laɲεnamaya a ka yεrεmahɔrɔnya yεrε-yεrε sɔrɔli la. O don in de la, Malidenw jεnna n’a ye ka muɲun Sedeyawo ni Iyemowa ka ɲangiliw kɔrɔ san 2022 kɔnɔna na jamana ka hεrε kama.
Masalakun
min tara san 2024 kεnεw kunkan, o ye : « yεrεmahɔrɔnya kunkankow jamana dugukolo mumε lakanni kɔnɔ, ni sɔrɔdasiw ka cεsiri ye ». Nin laɲεnamayali in kεra waati min na, a bεnna ni jamana
dugukolo bεε bɔɔsili ye juguw la ; Kidali dugu minεni b’o la Mali
sɔrɔdasiw fε.
Jama
tun nisɔndiyalen don
kosεbε sannayεlεnkalansoba in lajεkεso kɔnɔ kunun. Mɔgɔ mɔgɔ 5.000 sigiyɔrɔ b’o soba in kɔnɔ. Faamaw, kalanden kɔrɔbaw, maaba welelen wεrεw, nin bεε tun wasalen don ni
Mali ye a kεlen k’a yεrε sɔrɔ yɔrɔnin kelen, a bɔɔsili juguw la, o wulikajɔ daminεnen. Mali ye jamana jɔlen, bonyanen ye, min b’a jɔ n’a yεrε kunko ɲεnabɔli ye. O siratigε la, jamana ka yεrεmahɔrɔnya yεrε-yεrε
sɔrɔli laɲεnamayali laɲinin ye ka fangaw fara ɲɔgɔn kan faso n’a danbew lafasali la, k’a ka yεrεmahɔrɔnya lakanan ani k’o lakananni kε an bεε kunko ye.
Suleyimani SIDIBE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.