Juguw ka ŋunuŋunukan dɔ tun y’a jira, ko Mali kɛlɛkɛpankurun dɔ jigin tɔ
Tesaliti pankurunjiginkɛnɛ kan, walasa ka MINUSIMA dagayɔrɔ minɛ, ko SEMA/CMA mɔgɔw n’u jɛɲɔgɔnw ye gɛlɛ fili o
ma, k’a bali ka jigin. O kuma in sɔrɔla tiɲɛ ye. Mali kɛlɛbolow ka
kunnafonidicakɛda, n’a bɛ wele DIRIPA/DIRPA, o ye kuma in tiɲɛtigiya, k’a jira
ko wale in kɛra kunun karidon, kalo tile 16.
DIRIPA/DIRPA y’a sɛmɛntiya ko juguw n’u ka minɛn bonna Mali kɛlɛkɛpankurunw
fɛ, pankurun in sera ka jigin, wa Tesaliti minɛni wulikajɔw bɛ senna.
Tiɲɛ yɛrɛ la, kabini ɔkutɔburukalo daminɛ na, Kidali n’a lamini gannen don.
Anefisi kɛlɛ ma tulutigɛ, nka Mali sɔrɔdasiw y’a minɛnw ta. O yɔrɔ in ni Kidali
cɛ ye km 112 ye.
Anefisi bɔlen kɔ yen, kɛlɛ bɛ ka gɛrɛ Tesaliti ni Agelɔki la kalosa in na,
o kɔfɛ gɛrɛ bɛ kɛ Kidali la.
SEMA/CMA mɔgɔw n’u jɛɲɔgɔnw bɛ baara min na kabini lawale, n’o ye dɔrɔgufeere
ye, n’o ye maramafɛnw jagoli ye, n’o ye mɔgɔw minɛni ye ka wariw minɛ u kunkɔrɔ,
n’o ye jagofɛn ladonni ye yuruguyurugu sira fɛ, n’o ye binkanniw ye mɔgɔw kan,
k’olu ka nafolomafɛnw n’u bolofɛnw ntaraki, o ɲɛnenba de don u bolo bi. Baara wɛrɛ
t’u la n’u ka o nafa ninnu lakanani tɛ, n’o tɛ diinɛko tɛ, Azawatiko tɛ.
O kosɔn, u ka wulikajɔw barika bonyalen don bi fan bɛɛ fɛ Kidali n’a lamini
na. U y’a jira k’u ye Mali sɔrɔdasiw dagayɔrɔ dɔ minɛ, nka pereperelatigɛli si
ma kɛ o kɔfɛ bilen. U y’a jira fana ko dugumasira ni sanfɛsira bɛɛ minɛnen don
u fɛ walasa Mali kɛlɛbolow kana se ka don dugu in kɔnɔ. O bagabagaliw kun ye ka
Malidenw lasiran, ka sɔrɔdasiw jawuli ani k’a jira diɲɛmɔgɔ la, ko se b’u ye,
wa Kidali tɛ se ka minɛ.
O hukumu kɔnɔ, Jamana yɛrɛmahɔrɔnyalenw ka tɔnba ONI/ONU y’a ka kamanagan
ni jɔrɛ jira, k’a ye ko balawu bɛna wuli Kidali n’a lamini na. O bɛna kɛ sababu
ye MINUSIMA ka taali ka sensumaya, bawo a tɛna kɛ basigi ni lakana kɔnɔ.
ONI/ONU y’a ɲini fan fila bɛɛ fɛ, kɛlɛw ka jigin so, walasa MINUSIMA mɔgɔw n’u
bolominɛnw ni kɛlɛkɛminɛnw ka se ka yɔrɔ bila nɔgɔya la.
Mali kɔni jɔlen b’a kan, a mana kɛ cogo o cogo, ka dansigi MINUSIMA
ka baara la, desanburukalo tile 31 y’a dan ye, minisiri Abudulayi JƆPU ka fɔ la.
Madiba Keyita, Mahamadu Kɔnta
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
