Kunnafoniw y’a jira, ko komiyonba dɔ falen farininbɔrεw, tulubidɔnw ani dunfεn suguya wεrεw la, o bɔtɔ ba tilebinbolo la ka taa a kinbolo kan, o ye mototigi bɔ furan ka laban ka pɔn nεgεw kari
ka cun Bajoliba kɔnɔ.
Kasaara in juguyara kosεbε n’i ye nεgε samancogo ye ka
jigin ba kɔnɔ. Zandaramaw ni pɔnpiyew nana
jateminεw kε. O furancε la siraw tigεra ka waati jan kε. A ma dɔn halibi mɔgɔ hakε min tun bε mɔbiliba in kɔnɔ. Nka fεn min ye mɔbilibolila ani mototigi ye, olu ma ye ji kɔnɔ fɔlɔ.
Mɔbili kɔni sera ka saman ka bɔ ba kɔnɔ su tɔ la. Bisigiya la, kasaara in sababu bε se ka kε boli dantεmεn ye. Ba mɔmɔni bε sen na halibi walasa mɔgɔw ka se ka ye. Sεgεsεgεliw fana
daminεna lakananbaaw fε a ko tɔ ɲεɲininni na..
Yaya
JAKITE
Dɔkala
Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.