Yεlεma ɲuman donni don EDM.SA ka baaraw kεcogo la. Sabula dansagon tun kɔlɔsira a ka taabolo kɔnɔ tajiko la. Minisiri Bintu KAMARA kεlen kɔ ka EDM.SA ɲεmɔgɔba kumaɲɔgɔnya, a y’a ŋaniya ka dɔ bɔ tajidila hakε la EDM.SA ma. Tajifeere julaba naani dɔrɔn de dantigεra ka baara to olu ma. Bεnkansεbεn jεlen bεna dilan olu ni EDM.SA cε taji dicogo ɲuman na, fan fila ka nafa bε sɔrɔ min na. Jate bɔcogo ɲuman dɔ bε labaara tajitasitεrininw kɔnɔfεn hakε dɔnni na a ɲεma taji diyɔrɔ bεε la ; n’a bε fɔ o cogoya in ma tubabukan na « Fuel Management ». A tigi mana taji hakε min yεlεma, o wari de bε sara a ye, nka sara tε kε ka kεɲε ni sitεrinin kelen ka taji hakε tata ye tuguni. O bεna kε sababu ye ka sonyani dɔgɔya tajiko la u ni ɲɔgɔn cε ; sitεrinin dɔw yεrε tununni sira la, ka fu siri o dan na. Tajifeere julaba naani minnu dantigεra, fila bε na ni fuyɔli ye, a tɔ fila bε na ni gaziwali ye. EDM.SA ni julaw cε bεnkansεbεn bε faransiya a ɲεma ko in sabatili la. Yeelenko ni jiko minisiri Madamu Bintu KAMARA ka kɔrɔfɔ kɔnɔ, a ye hakililajigin kε a jɔyɔrɔ kan ka ɲεsin EDM.SA ma, ka sɔrɔ ka fεεrεw kofɔ, minnu bε sɔn ka yεlεma ɲuman don baara kεcogo la, jamanadenw wasali kama. « Taji tε san sitεrinin na bilen ; fo taji hakε yεlεmanen. O wari de bε sara tajitigi ye. Gɔfεrεnaman ni EDM.SA b’a jilaja ka saracogo ɲinin o sannisεbεnw na jεlenya kɔnɔ ka kεɲε n’a jate bɔcogo ye. Ni juru yεlεnna EDM.SA la, o saracogo ɲuman bε boloda k’o waleya. A sɔrɔla k’a ɲinin fan fila bεε fε, u ka bεnkanw bɔ a sira fε. EDM.SA ɲεmɔgɔba Abudulayi Jibrili Jalo y’a jira, ko dabali kura minnu tigεlen filε ; u kun ye jεlenya ka sabati baara kɔnɔ. A ka fɔ la « fuel Management » laɲinin ye wari sarata ka kεɲε ni taji dita hakε ye, taji doncogo n’a bɔcogo ka se ka kɔlɔsi koɲuman, kuran ka sɔrɔ ka labɔli kε jamana kɔnɔ musaka bεrε bεnnen na. Tajifeere julabaw y’u ka nisɔndiya jira baara bolodacogo kura la ; wa ko bεnkansεbεn bε cogoya min dantigε u ye, u bεna u seko kε o matarafali la. U labanna k’a jira, ko gεlεyaba de bε gɔfεrεnaman ka juru sarali la. N’o bε sara cogoya ɲuman na, dannaya bε to olu ni bankiw cε. U labanna k’a ɲinin minisiri fε, a ka dεmεn don u la bankiw fanfε, u ka se ka warijε sɔrɔ k’u ka baara kε a ɲεma an’a tuma na. Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
