Furancεlafanaga jamanakuntigi Kolonεli Asimi Goyita ye Moritani kɔkankow minisiri Mohamεdi Salεmu Uludu Mεrizugu bisimila jamanakuntigiso la Kuluba kunun ɔkutɔburukalo tile 9 san 2023.
O tun nanen bε n’u ka jamanakuntigi Mohamεdi Uludu Sεki Ɛligazuwani ka bataki ye, ka di Mali furancεlafanga jamanakuntigi Kolonεli Asimi Goyita ma. A kεra Mali kɔkankow ani diɲε tɔnbaw cε koɲεnabɔ minisiri Abudulayi Jɔpu ɲεna.
Lajε kuncεlen, a y’a jira kunnafonidilaw la, ko a tun nanen bε ni bataki ye ka bɔ u ka jamanakuntigi Mohamεdi Uludu Sεki Ɛligazuwani yɔrɔ, ka di Mali jamanakuntigi Kolonεli Asimi Goyita ma. A kɔnɔko bε boli jamana fila ninnu cε jεɲɔgɔnyasira kow kan ; sabula tarikuw b’an kala ɲɔgɔn na o tε bi ko ye. O siratigε la, jamanakuntigi fila ninnu hami ye ka ni kura fiyε o siraw taamacogow la, Mali ni Moritani ka nafa kama, ani Afiriki tilebinyanfan bεε nafa kama.
Moritani kɔkankow minisiri ka fɔ la halibi, kumaɲɔgɔnya bε jamanakuntigi fila ninnu cε basigiko la, Minusima taali hukumu kɔnɔ ka bɔ Mali kɔnɔ.
Mohamεdi Salεmu Uludu Mεrizugu y’a jira, ko a tεna mεεn tuguni, jamanakuntigi fila ninnu bε ɲɔgɔn ye kε, ka fura jɔnjɔn ɲinin u kunkan gεlεyaw la basigi nasira la. Badenya ni teriya min bε Mali ni Moritani cε, o bε tεmεn hali u ni ɲɔgɔn cε jεɲɔgɔnyakow kan. Wa u jεra ko caman fana ma nafoloko la, ani seko ni dɔnko sirako, taamako, kalanko, kumaɲɔgɔnya, mɔnni ani kεnεyako yiriwali la.
Mali ni Moritani jεra ka baara dɔw kε ɲɔgɔn fε Bamakɔ san 2016. U y’u bolonɔ bila bεnkansεbεn caman na. O bεnkanw dɔ ye, farankan ye bεnkansεbεn kɔrɔ dɔ la, min bolonɔbilala u cε Nuwasɔti, san 1977 zuwεnkalo tile 14. O dabɔlen bε jεkuluba dɔ sigili kama Mali ni Moritani cε. A dɔw fana ye bεnkanw ye u sεnεko minisirisow, u seko ni dɔnko minisirisow ani u yeelenko minisirisow cε. Hali bεnkan b’u baganmara ani taamakow minisirisow cε.
San 2022 nowanburukalo kɔnɔ, Moritani lasigiden min bε Mali kɔnɔ, n’o ye Ahamεdu Uludu Ahamedu ye, o bisimilala Kolonεli Abudulayi Mayiga fε, k’a sɔrɔ o bε minisiriɲεmɔgɔ nɔnabilaya la. U tun y’a ɲinin ka ni kura fiyε u cε jεɲɔgɔnya la.
O siratigε la, Moritani kɔkankow minisiri ko hami ye ka ɲɔgɔnye teliman kε jamanakuntigi fila ninnu cε san 2023 in kɔnɔ Nuwasɔti, Moritani faaba la. O ɲɔgɔnye ɲεmɔgɔya bε di jamana fila ninnu minisiriɲεmɔgɔw ma.
Suleyimani sidibe
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
