Mali sɔrɔdasiw ɲεmɔgɔso ka kunnafonidiso
« Dirpa » y’a jira ko sɔrɔdasiw b’a la k’u ka baara kε hadamadenya hakεw
labatoli hukumu kɔnɔ.
Sɔrɔdasiw ɲεmɔgɔw ka fɔ la, lakananbaaw hami ye lafiya ani
basigi sɔrɔli ye. O dun fana ye sigidalamɔgɔw haminankoba ye, u ka se k’u ka ɲεnamaya kε hakilisigi kɔnɔ.
O siratigε la, u b’a ɲinin mɔgɔw fε, u k’u hakili sigi,
kojugubakεlaw ka bagabagali fosi kana u bɔ u dabolo kan. Sɔrɔdasiw mana u bila sira min kan, u k’o taama ; ka
da a kan jamana lakananbaaw tigεlen don a kan, ko fosi tεna olu lajɔ jamana lakananni na.
« Dirpa » ye jigisigikuma
fɔ. A y’a jira
ko kunnafoni fεn o fεn mana sɔrɔ kow kan, o tεna dogo sigidalamɔgɔw la basigi sabatiliko la ani
kojugubakε kεlεli la.
Hakililajigin na, sɔrɔdasiw ye jateminε minnu kε ni pankurunw
ye taratadon nowanburukalo tile 08 san 2023, u ye kojugubakεla dɔw yɔrɔdɔn mɔbili bilende fila b’u bolo,
Minusima taara ka minnu to a kɔ Kidali. Sɔrɔdasiw ye o fila bεε bon ni pankurunw ye k’u tiɲε.
Sɔrɔdasiw t’a fε abada, ka Mali
dugukolo sibiri ɲε kelen to mɔgɔ juguw bolo. O de kosɔn u b’a la ka jamana kɔrɔnyanfan bεε mɔmɔ kojugubakεlaw ɲininni na k’u ta tiɲε. U sago don kow ka k’u ta ye a ɲεma sɔɔnin.
O ŋaniya in sabatili siratigε la, u
b’a la ka kojugubakεlaw an’u dεmεnbaaw kun don bɔ cεcilenw na sisan. CMA ni CSP-PSD
mɔgɔ juguw kεlεli b’o wulikajɔw la.
Pankurunw ka baaraba laɲinin ye sɔrɔdasiw ka se Kidali lasɔrɔ nɔgɔya la, ka dugumakεlε daminε.
Abubakari TARAWELE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
