Dɔ
farali sɔrɔdasi
ka kow fanga kan, o baarabolodalen kɔnɔko
waleyali bε sen na. O kɔrɔ ma surun ye doroniw sɔrɔli ye sanfεkεlε fanga bonyani
kama.
O
siratigε la, furancεlafanga jamanakuntigi Kolonεli Asimi Goyita ye doroni kura
sɔrɔlenw
bisimila Modibo Keyita tɔgɔla pankurunjiginkεnε na Senu-Bamakɔ
kunun alamisa zanwuyekalo tile 4 san 2024. Doroni suguya minnu bε wele « Bayraktar
TB2 », olu don. A y’u di sanfε sɔrɔdasiw ɲεmɔgɔba Zenerali Alu Boyi Jara ma. Sɔrɔdasiw
ka nin baarakεminεn ninnu jɔyɔrɔ ka bon kosεbε kεlε ani kunnafoniko la.
Furancεlafanga
bulonba ɲεmɔgɔba
Kolonεli Maliki Jawu, minisiriɲεmɔgɔ Dr Sogεli Kokala Mayiga ani minisiri
caman ; kεrεnkεrεnnenya la lafasa ni sɔrɔdasi kɔrɔw ka minisiri Kolonεli Sajo Kamara, olu tun b’a
kεnε kan, ka fara Mali jεɲɔgɔn jamanaw lasigidenw kan.
A
bε san saba bɔ,
an ka jamana bε k’a cεsiri dɔ farali ma sɔrɔdasiw fanga kan jamana lafasali la
an ka yεrεmahɔrɔnya yεrε-yεrε sɔrɔli, a dugukolo lakananni ani jamana kelenya
lakananni kama. Lafasa
ani sɔrɔdasi
kɔrɔw
ka minisiri ka fɔ la, baarakεminεn nafamaw sɔrɔla
ka bila sɔrɔdasiw
ka bolo kan. Marifabaw, marifa misεnninw, mɔbiliw, aradariw sanfεla kɔlɔsili
kama, kεlεkε pankurunw, kεlεdege pankurunw, kɔlɔsilikε
doroniw ni kεlεkεlanw.
Kabini
san 2023, yεlεma ɲuman caman bε ka don Mali sɔrɔdasiw
dabolo la u ka ɲεnamaya kεcogo ani baarakεminεnko la. Kolonεli
Sajo Kamara y’a jira, ko jamanakuntigi ye baarakεminεn nafamaw di, ka kalan
nafamaw di sɔrɔdasiw ma, ani ka hakilisigiwaleyaw k’u ye. A k’u
fana bεna o nafa sɔrɔlenw labaara koɲuman,
ka da nin ni kura min fiyεlen filε sɔrɔdasiya la, n’o ye dannaya ani senkɔrɔdadonni
sɔrɔli
ye.
Minisiri
Sajo Kamara ka fɔ la, salon, sɔrɔdasiw ka dɔnniya sera hakε min ma, o y’a to u ka sɔrɔdasi
dunanw labila ka bɔ Mali kɔnɔ.
Ka da a kan olu tun tε ka kε jigisigi ye Malidenw bolo. Jamana fanga tun bε ka
dɔgɔya ka taa a fε, nka dɔ tun b’a la ka fara kojugubakε fanga kan.
Ɲinan, laɲinin ye ka dɔ fara o wasa sɔrɔlenw fanga kan, ani ka Maliden bεε wuli ka jɔ
jamana lakananniko la, min b’a to an mako kana jɔ sɔrɔdasi
dunanw na tuguni an ka basigiko la. O de kosɔn, jamana ɲεmɔgɔw y’a ŋaniya, lafiya sɔrɔli
Mali kɔnɔ,
k’o koɲε
to Malidenw yεrε dama ma. A dɔnna ko Afiriki kelenya tɔnba
ani Afiriki tilebinyanfan nafoloko tɔnba de b’u balamini jamanaw n’u ka gεlεyaw
furakεcogo cε jamanadenw sago la. Nka an bε don min na, Mali b’a fε Malidenw
yεrε dama ka hakilijakabɔw kε gεlεyaw furakεcogo la.
Kεlεkεminεn
kura nafama minnu sɔrɔla Mali fε, o bε jamana bila ka baara kε a fεrε
ma. Sɔrɔdasiw
b’a la k’u ka baaraw kε hadamadenya hakεw labatoli kɔnɔ hali n’i y’a sɔrɔ ko caman se b’u ye bi. O ye Mali danbe kɔrɔ
ye, o bε sɔrɔdasiw
ni kojugubakεlaw bɔ ɲɔgɔn na.
Mali
dεmεnbaaw de y’o faamuya, ka dannaya to an kan, ka tεmεn ni sɔrɔdasiw
senkɔrɔmadonni
ye. Minisiri Sajo Kamara ye foli ni tanuni lase Irisijamana, Siniwajamana ani
Turukiye jamana ma ka da u ka jεɲɔgɔnya jεlen kan.
Mali
sɔrɔdasiw
ɲεmɔgɔba
nisɔndiyara
ni doroni ninnu sɔrɔli ye ka dɔ fara an ka jamana ka sanfεkεlε fanga kan ka taa
a fε. Zenerali Alu Boyi Jara yεrε ye sɔrɔdasiw fo k’u tanu kosεbε u jɔyɔrɔ
kεrεnkεrεnnenw matarafali la.
Umaru
JAKITE
Dɔkala
Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
