Kabini kunun, Kidali dugu binna Mali sɔrɔdasiw tεgε kɔnɔ. O kunnafoni duman laselen Mali sɔrɔdasiw ɲεmɔgɔso fε, a kεra nisɔndiya dan bεε ye Malidenw dusukun na, ka da waleya in nafa
kan.
Kidaliko tun bε kunpan na Maliden caman bolo. Nka
u dusukun sewalen y’a mεn laseli la sɔrɔdasiw ɲεmɔgɔso fε, ko Kidali dugu binna sɔrɔdasiw tεgε kɔnɔ tarata nowanburukalo tile 14 san 2023. Sɔrɔdasiw ɲεmɔgɔso y’a ɲinin dugudenw fε, u k’u hakili sigi. A ye jigisigikuma
caman fɔ u ye, ko
dabaliw tigεlen don u lakananni kama. O siratigε la, u ka to sɔrɔdasiw ka laadilikanw kɔ ;
sabula basigili baara kεtaw ma kuncε fɔlɔ.
Malidenw tun sigilen bε ka donba min kɔnɔ, o de selen ye nin ye. Sira tun ka jan, a ka
gεlεn ; nka kεlε sebaaya sɔrɔla. Kojugubakεlaw n’u dεmεnbaaw hakili tun ye ka
jamana bɔrɔtɔ an ka to nin cogo la, Mali kana se k’a ka fanga boli
jamana mumε kan. O de kosɔn u tun bε dansagowale suguya bεε dɔ la jamana kɔrɔnyanfan fε.
Nka kabini furancεlafanga latilenni baaraw daminεna mεkalo bantɔ ka don zuwεnkalo kɔnɔ san 2021, jamana ɲεmɔgɔw y’a ŋaniya ka
yεlεma don kow taabolo la. Kεlε dɔnniya min bε sɔrɔdasi ɲεmɔgɔ ninnu na, ka fara kojugubakεlaw n’u dεmεnbaaw ŋaniyaw
faamuyali kan an ka jamana kɔnɔ, u y’u kan
kε kelen ye ka sira da u ɲε, basigi ka se ka sabati.
Mali y’a dεmεnni bolofara caya, o kεra nafa ye jamana kunmabɔli kεlε la ; sabula kεlεminεn nafama suguya caman
sɔrɔla ka bɔ Irisijamana na. O de ye yεlεma don sɔrɔdasiw ka baara kεcogo la ni wasa ye lafiya sɔrɔli la. Sɔrɔdasiw tora ka sebaayaw sɔrɔ kojugubakε kεlεli la.
O kɔnɔna na, diɲε tɔnba ka basigi sabatilijεkulu ye sariya 2690 ta
zuwεnkalo la, ka Minusima ka baara ban Mali kɔnɔ. O la, ka kεɲε n’o sariya kɔnɔko ye, Mali sɔrɔdasiw de tun ka kan ka Minusima dagayɔrw ta a kɔ yanni
desanburukalo nata tile 31 ka tεmεn. Kojugubakεlaw
kεlen k’a ye k’o da man di u la, u ye wulikajɔ caman kε, k’a ɲinin k’u bε Mali sɔrɔdasiw bali o la.
U tora ka pεrεnbaraninw don dugu jukɔrɔ siraw kan sɔrɔdasiw ɲε, ka janw da u la, ka bin u kan furancεw la an’u
dagayɔrɔw la, ka yɔrɔw tiɲε ani ka janfa suguya bε dɔ siri sɔrɔdasiw ka ɲεtaa silasali kama. O waleya jugu bεε kun tun ye sɔrɔdasiw kana se ka Minusima dagyɔrɔ labilataw lasɔrɔ. Nka u ka wulikajɔ n’a ŋaniyajuguya bεε labanna jigilatigε la u bolo. Sɔrɔdasiw ye tasuma da u tεgε Bεri Tumutu mara la ani Anefisi Kidali
mara la. Sɔrɔdasiw ka sannayεlεn fanga girinyana u ma a kεlε bεε la.
Mali sɔrɔdasiw janfara Minusima fε cogoya caman na. A y’a dagayɔrɔ dɔw labila kojugubakεlaw ye sanni a k’olu latεmεn Mali sɔrɔdasiw ma. Nka nin bεε la, hakilila kelen de tun bε
Mali sɔrɔasiw la : « ka Kidaliko daga wuli ka bɔ Malidenw da la ». Wa o de sera ka kε
nowanburukalo tile 14 san 2023. O kεra Mali ka jigisigi ani lafiya batonba
selen ye dankanda la.
Masa SIDIBE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
