Mali sɔrɔdasiw ɲεmɔgɔso bε Malidenw ani diɲεmaa ladɔnniya, ko desanburukalo tile 25 san 2023 Muruja, Nara
mara kɔnɔ,
kojugubakεlaw binna sɔrɔdasiw dagayɔrɔ kan.
Pankurunw farala duguma kεlεcεw kan b’u bali u ŋaniya jugu waleyali la.
O siratigε la, Mali sɔrɔdasiw ɲεmɔgɔso b’a ɲinin sigidalamɔgɔw fε, u k’u
hakili sigi, ka to sɔrɔdasiw kɔ. Sεgεsεgεli
tɔ bε sen na. Nin si tεna se ka sɔrɔdasiw bɔ u hakilila kan ; n’o ye jamanadenw an’u bolofεnw
lakananni ye, ka jamana kelenya lafasa.
Kojugubakεlaw binni Muruja sɔrɔdasiw dagayɔrɔ kan, nin t’o
siɲε fɔlɔ ye ; wa a tε tεmεn tile damadɔ fana kan fɔlɔ, nin ɲɔgɔnna binkanni
suguya tara ka sɔrɔdasiw sεgεrε Farabugu Segu mara la, ani Dinanguru jamana
cεmancεyanfan fε.
A bεε la sɔrɔdasiw bε wuli
k’u kunbεn ka tasuma da u tεgε sanfε ani duguma. Kojugubakεla caman dajira, k’u
ka kεlεminεnw ni bolofεn caman fana tiɲε.
Abubakari TARAWELE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.