Mali lakananbaaw ɲɛmɔgɔba Zenerali de diwisɔn Umaru Jara ka fara sɔrɔdasi ɲɛmɔgɔ caman kan, olu tun b’a kɛnɛ kan. Turukiye pankurundilan cakɛda min bɛ wele Bayraktar, o ka doroni suguya min bɛ wele « AKINCI » o de sɔrɔla. O cakɛda in bɛ pankurun TB2 fana dilan. Nka danfara min bɛ o TB2 ni AKINCI cɛ, motɛri fila bɛ AKINCI la. O de b’a to n’o bɛ se ka wuli ka yɛlɛn sanfɛ fo km11 ɲɔgɔnna. A ka telin fana ; sabula a bɛ km400 boli lɛrɛ kelen kɔnɔ, wa a bɛ se ka lɛrɛ 24 kɛ sanfɛ k’a sɔrɔ a ma jigin. Doroni suguya in bɛ se ka mugu jugu (bɔmu) kg1.500 ta. Bonni na tɛgɛ diya dan bɛɛ don. N’a y’a suman yɔrɔ min na, a b’a minɛ yen. Lupu minnu b’a la, o b’a to n’u bɛ se ka yeli kɛ sufɛ kuma tɛ tile ma. Doroni AKINCI pannen bɛ se ka Mali dugukolo bɛɛ mununmunun. Furancɛlafanga ɲɛmɔgɔw bɛ k’u tulo don Mali fasojama kumakan na kosɛbɛ ; o de kosɔn u bɛ ka basigi k’u haminankoba ye. Nin ye Zenerali darimɛ Asimi Goyita kɛlen ye ka ni kura fiyɛ Mali lakananni na, ni dɔ farali ye lakananbaaw sannayɛlɛnni kan. Lafasa ni sɔrɔdasi kɔrɔw minisiri ka fɔ la, kɛlɛminɛn nafamabaw sɔrɔli kosɔn, Mali lakananbaaw ye paara jan kɛ sannayɛlɛnni na, sigi tun ma kɛ ni min ye, fo ka Mali fara diɲɛ ɲɔgɔn-tɛ farinya la, o jamanaw kan. An bɛ don min na, Mali ye pankurun kuraw sɔrɔ ni jamana yɛrɛ ka baarakɛnafolo ye, wa lakananbaaw tigɛlen don a kan, k’u bɛ bɛn sabati an ka jamana kɔnɔ. Zenerali de kɔri darimɛ Sajo Kamara y’a jira ko u hami ye ka se k’u fanga jɛnsɛn ka jamana fan bɛɛ labɔ, juguw mana u kun bɔ yɔrɔ o yɔrɔ la, k’u daji. A sɔrɔla ka foli ni tanuni lase Mali lakananbaaw ɲɛmɔgɔba ma cɛdenw ka cɛsiri la su ni tile. Minisiri labanna k’a ɲinin pankurunw bolibaaw fɛ, u k’u jilaja k’u tɔpɔtɔ koɲuman. Ani k’a ɲinin tuma bɛɛ la, ka jaabi wasalen di fasojama ma k’a sababu kɛ pankurunw ye. Dɔkala Yusufu JARA Suleyimani SIDIBE
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
