N’o ye duwaɲεw dagayɔrɔ Banankɔrɔ Nuga komini kɔnɔ Kangaba sεrεkili kɔnɔ Kulukɔrɔ mara la, Mahu Kucala mara la ani Dandεrεso Sikaso mara la. Nin kunnafoniw lasera Mali lakananbaaw ɲεmɔgɔso ka kunnafoni cakεda (Dirpa) fε.
A y’a da Malidenw ani diɲεmaa tulo kan, ko kojugubakεlaw ye binna lakananbaaw dagayɔrɔw kan jamana yɔrɔ caman na : marisikalo tile 16 san 2024 miniwi tεmεnnen ni sanga 50 ye, marifatigikulu dɔ kundara duwaɲεw dagayɔrɔ kan Banankɔrɔ Nuga komini na Kangaba sεrεkili kɔnɔ.
Duwaɲεw sera ka labεnw kε teliya la k’u kunbεn. Kojugubakεla caman tora sisi la ; nka, u baarakεɲɔgɔn dɔ joginna min tε lakananbaa ye. Kojugubakεla tɔ minnu sera ka porokoto, olu y’u kari Kɔfilacε jiritu kɔnɔ ; nka o ma se k’u kiisi. Sabula mɔmɔni kεra k’u bεε faga.
Lεrε damadɔ o kɔfε, marifatigikulu dɔ fana kundara sɔrɔdasiw dagayɔrɔ kan Dandεrεso Sikaso mara la. O kεra o sibiridon kelen in nεgε kanɲε 05 tεmεnnen ni sanga 40 ye.
Dirpa ka fɔ la, Burukina Faso lakananbaaw ye Mali taw dεmεn o kεlε la, kεlεbolo « Kapidugu » sababu la. O kojugubakεla tɔ min fana porokotora k’u kunda Mali ni Burukina Faso dancε kan, olu fana nɔ lankolon ma bila.
O sibiri kelen na halibi, nεgε kanɲε 06 tεmεnnen ni sanga 30 ye, sɔrɔdasiw dagayɔrɔ min bε Mahu Kucala mara kɔnɔ bin kεra o kan. Yɔrɔ fila fɔlɔw ta kunbεnna k’u daji caogo min na, nin fana kεra ten. Ko tora lakananbaaw ta la
Mali lakananbaaw ɲεmɔgɔso y’a jira ko sigidalamɔgɔw ka senkɔrɔmadonni ye nafa ɲε. A ye jigisigi kuma fana fɔ. Ko lakananbaaw bε to tulomada la sanga ni waati bεε la. U mana basigibaliya kunnafoni mεn yɔrɔ o yɔrɔ la, u bε wulikajɔ kε teliya la ka fu siri o dan na ni kojugubakεlaw n’u dεmεnbaaw bɔnεni ye. O siratigε la, lakananbaaw ɲεmɔgɔso bε sigidalamɔgɔw jigi sigi ko, fosi tε bonya lakananbaaw ma kojugubakεlaw kεlεli la Mali kɔnɔ.
Abubakari TARAWELE et
Dɔkala Yusufu Jara
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
Nin baarabolodalen in laɲinin ye ka Maliden kura dilan, min b’an danbew dɔn, ka fangabulonw bonya, ani baarakεla. Jamana ɲεmɔgɔw bε wulikajɔ la ka Mali kura k’o kuntilenna in waleya, walasa ka se k’o hakilila don fasodenw na ani ka se di u ma ɲεtaa la kannabila ni hɔrɔnya kɔnɔ.
