Minisiriɲεmɔgɔ Dr Sogεli Kokala
Mayiga, bulonba kuntigi Kolonεli Maliki Jawu, gɔfεrεnaman minisiriw ani sɔrɔdasi ɲεmɔgɔw tun b’a kεnε kan.
Lakananbaaw ye yεrεjira taamaba kε,
medayi suguya caman dira sɔrɔdasi dɔw ma kεnε in kan. O dɔw ye minnu ni tora kεlεdagaw la,
minnu ka kεnεn ani minnu joginnen don.
Waritasεbεnba (sεki) dɔ fana dira, min musaka ka ca ni
sefawari miliyari 6,6 ye. Sɔrɔdasi minnu ni tora kεlεdagaw la, wari in bε bεn olu
san 10 kalosaraw ma. Waritasεbεn wεrε dira sɔrɔdasi dɔw yεrε ma, u ni min ka kan.
Sanfεkεlεcεw ye dɔnkojiraw kε ɲεnajε in senfε. O ɲεnajε bεε kuncεlen, furancεlafanga
jamanakuntigi Kolonεli Asimi Goyita ye laseli kε kunnafonidilaw ye. A ye
taasibila kε ka ɲεsin Ala m’an hinεna jamanakuntigi kɔrɔ Modibo Keyita la, o n’a jεɲɔgɔnw ma ; olu minnu jɔyɔrɔ bonyana kosεbε Mali sɔrɔdasiya sigili la senkan. Sɔrɔdasi minnu ni tora kεlεdagaw la, a
ye taasibila kε ka ɲεsin olu fana ma ; ko ni Ala sɔnna a ka taasibila ni dεmεn tεna kɔtigε u n’u ka denbayaw la.
A sɔrɔla ka dugawu kε, ko Ala ka nɔgɔya kε mɔgɔ joginnenw ye. A k’a hakili bε mɔgɔ minεnenw na juguw bolo, i kεra
siwili ye walima lakananbaa. A ko ni Ala sɔnna k’u dεmεn, u b’u seko kε cogo min na u bε se ka bɔ juguw bolo. Jamanakuntigi Asimi
Goyita ko a bε nin sanyεlεma 63nan in laɲεnamayali bila minεn min kɔnɔ, o ye baara dagunni ye: Jamana
dugukolo mumε bɔɔsili juguw la ani jamana ka yεrεmahɔrɔnya yεrε-yεrε sɔrɔli a ka dugukolo fan bεε fε.
Kolonεli Asimi Goyita ka fɔ la, an ye ko la gεlεman kε ;
nka a tɔ ye ko wεrε
ye, min fana ka gεlεn kosεbε ; n’o ye jamana basigili ye. O dun tε ɲε ni an m’an fangaw fara ɲɔgɔn kan. A ko lakananbaaw kɔni bε tεmεn ni basigili waleyaw
ye ; nka a ɲuman ye laadatigiw ni diinε ɲεmɔgɔw sen ka don a la kosεbε.
O siratigε de la, sigikafɔ Malidenw yεrε dama cε, o laɲinin kεra fɔkabεn ka se ka sabati. Jamanakuntigi
ka fɔ la, o bεna se
k’a to lakananbaaw k’u fanga digi kojugubakεjεkuluw kεlεli kan a ɲεma jamana kεɲεkayanfan fε.
Mali sɔrɔdasiya sanyεlεma 63nan laɲεnamayali ɲεnajε kɔfε, jamanakuntigi Kolonεli Asimi
Goyita ni sɔrɔdasi joginnenw kεlεdagaw la, u jεra
ka dumuni kε ɲɔgɔn fε sɔrɔdasiw ka kεnεyaso la Kati. O senfε, a ye sɔrɔdasi joginnenw tɔgɔla medayiw di u ma.
Jedone JAMA
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
