Bubakari Jara ye mɔbili kɔrɔ feerelaw ka tɔn (ARVO) ɲɛmɔgɔ ye. Ale y’a jira ko mɔbili kɔrɔ ninnu bɛ bɔ Erɔpu gun jamana
caman na, i n’a fɔ Bɛliziki, Suwisi, Nɔriwɛzi ani Alimaɲi. A dɔw fana bɛ bɔ Lamerikɛnjamana
(USA), Kanada ani Azi gun kan Koredisidi. A ko sugu n’a sennasumaya n’a ta bɛɛ, ale bɛ na ni mɔbiliw ye ; a bɛ
san mugan bɔ baara in na.
« ARVO » ɲɛmɔgɔ in ka fɔ la, Mɔbili kɔrɔ ninnu sɔngɔw yɛlɛnni sababu ka ca. A dɔw
bɛ sɔrɔ u bɔyɔrɔ fɛ. Sɔngɔw bɛ tali kɛ mɔbili suguya an’a cogoya la, ani mɔbili ladonni musaka ni u deduwaɲɛsaraw, o de bɛ u sɔngɔw gɛlɛya. Misali
la, Bubakari Jara y’a jira ko TOYOTA bɛrilini
ladonni musaka kɔfɛ, o sɔngɔ ka ca ni sefawari miliyɔn 3 ye ; kasɔrɔ a belebelew sɔngɔ b’a ta miliyɔn 5 la ka
se 100 ma.
O ye gɛlɛyaba ye
sannikɛlaw ma, i n’a fɔ
Silamakan Sisɔkɔ y’a jira cogo min na. Ale ko a donna pariw bɛɛ la
min b’a to a ka se ka mɔbili kelen sɔngɔ sɔrɔ. O wariko gɛlɛya de bɛ k’a bila
k’a ɲinin mɔbili kɔrɔ kunda, i n’a fɔ mɔbili minnu bɛ ka boli
Bamakɔ yan kaban, n’u bɛ
wele « dɔ-boli ».
FEERE JIGINNI - Kasɔrɔ mɔbili
suguya minnu lakodɔnnen don ni « SUV »
ye, olu bɛ sanga la bi kosɛbɛ ka da u kolo gɛlɛya an’u ka baara bɛɛ
kɛ kan. Sira kolon ni ɲuman
bɛɛ dama ka kan u la. Zapɔnjamana mɔbiliw ye
TOYOTA ye, Alimanjamana taw ye Mɛrisedɛsi ye. U dɔnbaaw b’u
yelen dɔn ka bɔ ɲɔgɔn na.
Toyota bɛ mɛɛn si la,
a kolo ka gɛlɛn boli la,
Mɛrisedɛsi kɔni yelen cɛ ka ɲin. Mali kɔnɔ, o mɔbili
suguya fila in de ka ca kosɛbɛ ka da u ɲɛ, ani u
dilanbaa caya kan. O de kosɔn u sanbaa fana ka ca ka tɛmɛn mɔbili suguya tɔw kan.
Madu Dunbiya ye mɔbili kɔrɔ feerela ye Garantigibugu-Bamakɔ ; Ale sanga
wulilen don kosɛbɛ baara in na o bɛ san tan bɔ. A y’a
jira ko a y’a daminɛ ni mɔbili duuru ladonni ye, k’a timinandiya o fɛ fo ka na mɔbili nata
hakɛ caya a bolo.
O nafasɔrɔ n’a ta bɛɛ, Madu ko an bɛ don min
na mɔbili tɛ ka san, a
sugu ka suman kosɛbɛ, sanni jiginna k’a
sababu kɛ mɔbili kɔrɔ feereyɔrɔ cayali ani wariko gɛlɛya ye sannikɛlaw la. Nka ko ni mɔgɔ min timinandiyara a fɛ, nin gɛlɛya in bɛ sɔn ka nɔgɔya don nataw la.
Habibu Dukara ye Bamakɔ mɔbili
feerekulu « Dɔ-boli » ɲɛmɔgɔba ye. Ale ka fɔ
la, baara in nɔgɔya an’a gɛlɛya bɛ ɲɔgɔn dafɛ. A y’a jira ko dɔ
farala u ka mɔbili feereyɔrɔw luwansesaraw hakɛ
kan, san fila kuntaala kɔnɔ o bɔra
sefawari ba fila la ka se ba naani (d2 00-d4 000) ma.
Dipulɔmu suguya min bɛ
wele masitɛri, porozew tɔpɔtɔli nasira
la, ani mɛtirizi fana b’a bolo duruwa piriwe la. O kalanw dɔnniyaw bɛ ka dɔ fara Habibu ka timinandiya kan baara in na gɛlɛyaw n’u
ta bɛɛ. A ko baara nafama don denmisɛn baaradatigiw bolo ; nka a b’a ɲinin jamana ɲɛmɔgɔw fɛ, u ka sariya sigi baara in kɛcogo la, ani k’a kɛbaaw
senkɔrɔmadon, sabula
u fana bɛ ka mɔgɔ caman bolo don baara la. Wa nafolo sɔrɔli sira dɔ fana don jamana kɔnɔ.
BAARA KA TO A ƝƐDƆNBAAW
BOLO- « ARVO » ɲɛmɔgɔ y’a jira ko mɔbili kɔrɔ feerelaw
ka fara ɲɔgɔn kan ka
kɛ jɛkuluba
kelen ye, min b’a to u ka baara kɛcogo bɛ se ka nɔgɔya u bolo ani ka yɛlɛma ɲuman don
u yecogo la. A k’ale y’a ɲinin jamana ɲɛmɔgɔw fɛ, u ka kɛnɛ wasalen
labila u ye, feerekɛlaw ni sannikɛlaw bɛ se ka
mununmunun yɔrɔ min na
ka ɲɛ u sago la, ka da a kan bolifɛn sannifeere tɛ taa a
sen sifilɛli kɔ. O dun tɛ se ka ɲɛ yɔrɔ
koronnenw na.
Bubakari Jara bolo,
kɛnɛ wasalen
b’a to gɔfɛrɛnaman fana ka nafa sɔrɔ olu ka baara in na, ni yɔrɔ labɛnko ɲuman ye
ani k’a kɔlɔsi. A ye
foli ni tanuni lase lɛnpo baarakɛlaw ma u ka hakili ɲuman
na ka ɲɛsin olu ma u ka wusuru sarataw bɛrɛ bɛnni an’u makɔnɔni na tuma caman na u sarali la. Nin bɛɛ bɛ yɔrɔ labɛnni kun bɔ ka baara
to a dɔnbaaw bolo, ka lamini ɲɛnama dantigɛ fan fila
bɛɛ ka wasa kama.
Mɔbili kɔrɔ feerela caman bɛ
feere kɛ sisan ɛntɛrinɛti kan ka
da sugu sennasumanyani kan.
Kunnafoni n’a dicogo kura
tile in na, feere kɛcogo ɲuman dɔ ye ɛntɛrinɛti ye. O de kosɔn
i bɛ feerefɛnw
lagamuniw ye erezo sosiyow kan sanga ni waati bɛɛ
la, Bamakɔ « dɔ-boli » taw b’o la, walima « Faransi-k’an-bɛn », wa u bɛ
sɔngɔw kofɔ u la, minnu bɛ mɔgɔ saman a
ko nɔfɛ. Erezo
sosiyo ye jama lasɔrɔli sababu ɲuman dɔ ye sannifeere la, ka sannikɛlaw kunda u ka yɔrɔw kan. Nin wariko gɛlɛya tile in na, erezo sosiyo kɛlen bɛ sugufiyɛ ɲɛnamaba
ye sannifeere nasira la, yɛlɛma kura fana don baara kɔnɔ.
Dɔkala Yusufu JARA
Abudulu Karimu KULUBALI
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
