Lajɛ in senfɛ, minisiriw da sera jamanakuntigi saba ninnu ka bɛnkan na ka dɔ fara dabaliw fanga kan, minnu bɛ nɔgɔya don mɔgɔw an’u bolofɛnw mununmununni na Afiriki kanubaanciya hakilila kɔnɔ AES kɛnɛ na. Nafa min b’o kandili in na, u da sera o ma ; sabula a jɔyɔrɔ bɛna bonya kosɛbɛ kɔnfederasɔn mɔgɔw ka ɲɛnamaya kɔnɔ.
Minisiri minnu ɲɛsinnen bɛ basigiko ma sahelikungo kɔnfederasɔn kɔnɔ, lajɛkɛlaw y’olu fo k’u waleɲumandɔn u ka lajɛ min kɛra Bamakɔ nowanburukalo tile 22 san 2024 o bɛnkan talenw kosɔn. Olu k’o lajɛ in senfɛ, u jɛnna ni taamasɛbɛnw ani bugunnatigɛsɛbɛnw dantigɛcogo mabɛnni ye kɔnfederasɔn kɔnɔ ani u mununmununcogo. U ye hakililajigin kɛ, ko sahelikungo jamanaw tɛna segin u kɔ bilen (Cedeao) bɔliko la. U kɔni ye jɛkulu ɲɛci camanw bila ka tɛmɛn ni hakilijakabɔw ye an bɔcogo la pewu, kɔnfederasɔn mɔgɔw nafaw kama.
Fɛn min ye bɛn ni basigi kunkankow ye, sebaaya minnu sɔrɔla kɛlɛdaw la u kɛli la k’u fangaw fara ɲɔgɔn kan kojugubakɛ kɛlɛli hukumu kɔnɔ Mali, Burukina Faso ani Nizɛri kɛlɛcɛw fɛ, minisiriw y’o foli kɛ. Kɛlɛw mabɛncogo jamana saba ninnu cɛ, u y’o fana kɛcogo ɲuman foli kɛ, kɛrɛnkɛrɛnnenya la kɔnfederasɔn kɛlɛboloba sigili senkan k’a labaara. Kojugubakɛlaw bɛ dansagonwale minnu ta ka sigidalamɔgɔ siwiliw ani kɔnfederasɔn lakananbaaw sɛgɛrɛ, u y’o sɛbɛkɔrɔ kɔn, ka laban k’u ka tigɛnkan jira kojugubakɛ kɛlɛli la.
Dɔkala Yusufu JARA
Suleyimani SIDIBE
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
