Politiki ɲɛmɔgɔw ta bɔlen kɔ a la, minisiriɲɛmɔgɔ kura mara ni desantaralizasɔn minisiri Zenerali de diwisɔn Abudulayi Mayiga, tɔn minnu tɛ politikitɔnw ye, an’olu ye ɲɔgɔnye kɛ juma tɛmɛnnen in. Kɔrɔfɔw bolila san o san kalatatasɛbɛnw filiw latilenni, yɛlɛma kuraw politikikow ani fanganbulonw cogoyaw la, ka fara ko wɛrɛw kan.
Minisiriɲɛmɔgɔ ka kɔrɔfɔ kɔnɔ, a ye hakililajigin kɛ basigi ani hadamadenya cogoya la jamana kɔnɔ, Gɛlɛya kɔlɔlɔ yɛlɛnnen b’o minnu na a ka ca ni san 10 ye. A y’a jira k’o hakilila falen in ye dakun kura ye gɔfɛrɛnaman ka kandili kɔnɔ ka baara kɛ, tɔn minnu tɛ politikitɔnw ye, n’o baara kɛbaa bɛɛ ye.
A kɛra cogoya ɲuman ye minisiriɲɛmɔgɔ bolo, ka ɲɛfɔli kɛ gɔfɛrɛnaman karankow la, minnu dantigɛra furancɛlafanga jamanakuntigi Zenerali darimɛ Asimi Goyita ka kuntilennasɛbɛn kɔnɔ, min dajirala u ka minisirilajɛ fɔlɔ senfɛ. N’o ye lafasa ni basigi, tɛmɛnni ni yɛlɛma kuraw ye politikikow ni fangabulonw cogoyaw la ; kɛrɛnkɛrɛnnenya la kiiriko nasira la, walasa ka se ka dɔ fara yuruguyurugu kɛlɛli ani fasojama wasali fanga kan a haminankow la ni sɔrɔ jiidili ye, yɛlɛma ɲuman donni kɛnɛyako cogoya la, yɛlɛma ɲuman donni kalanko ani denmisɛnw ka baarako cogoya la. Fasojama dusu dali fanga kɔrɔ, dɔ farali dipulomasi fanga kan walalsa ka se ka jamana nafaw lafasa, jɛɲɔgɔn minnu bɛ jamana ka yɛrɛmahɔrɔnya bonya, dɔ farali o siraw fanga kan, kɔkanmalidenw lakananni.
Ɲinɛ ma kɛ AES kɔnfederasɔn kuntilennasɛbɛn kɔnɔko waleyali sennateliyali kɔ saheli kungo kɔnɔ, ani cogoyaw sigili senkan, min b’a to kalata nataw kɛ se ka kɛ basigi ani jɛlenya la, walasa ka dan sigi furancɛlafanga la. O sinsinbɔlɔ laban in waleyali hukumu kɔnɔ, minisiriɲɛmɔgɔ bɛ fasojama bɛɛ sendonni ɲinin kow tɛmɛnsiraw la ; kɛrɛnkɛrɛnnenya la tɔn minnu tɛ politikitɔnw ye. A sɔrɔla ka hadamadenya baara kɛbaa bɛɛ ka dɛmɛn ɲinin, Tɔn minnu tɛ politikitɔnw ye, o ɲɛmɔgɔw ye foli ni tanuni lase minisiriɲɛmɔgɔ ma a sugandilen ka kɛ minisiriɲɛmɔgɔ ye, ani ka dugawu k’a ye a ka baara tiimɛko ɲuman na.
Ɲɛfɔliw kɛra ni sɛbɛn fila kɔnɔkow jaw jirali ye ɲɛtaa minnu sɔrɔla san o san kalatasɛbɛnw filiw latilenni na, yɛlɛma kuraw politikikow ni fangabulonw cogoyaw la mara ni desantaralizasɔn minisiriso ɲɛmɔgɔba Abudu Salamu Jɛpukile fɛ. A dɔnna o senfɛ, ko kalatasɛbɛnw filiw latilenni daminɛna jamana kɔnɔ marayɔrɔ bɛɛ la, lasigidensow ani kɔnsulaw la jamana kɔkan ; wa u b’a la ka kɛ cogoya ɲuman na. An bɛ don min na, mɔgɔ kura 8.472.439 tɔgɔw sɛbɛnna ; cɛ hakɛ y’o la 4.398.633 ye.
A ɲuman ye k’a faranfasiya, ko ni o baaraw kuncɛra, marayɔrɔ bɛɛ b’a ka jaabiw lase mara ni desantaralizasɔn minisiriso la. O bɛ sɔrɔ k’u kafo ɲɔgɔn kan ka kɛ kalatasɛbɛnba ye, k’o latɛmɛn kalata jɛkulu kɛrɛnkɛrɛnnen « Aige » ma, o ka sɔrɔ k’u mabɛn ni don ye.
Lajɛkɛlaw haminanko kɛra kalata nataw labɛnni ye ; o min bɛna dan sigi furancɛlafanga la, gɛlɛya minnu bɛ fasodenya sɛbɛnw lasɔrɔli la (n’o ye karitiw ni pasipɔri boyometiriki ye), sendonniw bɔli la « Cedeao » la, ka fara yɛlɛma ɲuman donni kan basigiko ani san o san kalatasɛbɛnw filiw latilenni cogoya la....
Minisiriɲɛmɔgɔ ye jaabi jɛlen wasalen di a ɲininkali bɛɛ la, ani ka jigisigi kɛ furancɛlafanga ɲɛmɔgɔw ka kandili la kalataw labɛnniko la ; nka minisiriɲɛmɔgɔ ka fɔ la, u kɔni tɛ balakabalaka, u tɛ kɛ ni kɔrɔtɔko jugu fana ye ; sabula a ko an sago tɛ bilen, gɛlɛya ka wuli kalataw kɔfɛ. Cakɛda caman ɲɛmɔgɔw tun bɛ lajɛ in kɛnɛ kan ; kɛrɛnkɛrɛnnenya la « Yɛrɛwolo debu suru lɛ ranpari », mara minisiriso baarakɛlaw ka lafasalitɔn kannabilako la (Sylmat), Mali tɔgɔla lasigiden kɔrɔ ni kɔnsula kɔrɔw ka teriyatɔn, Mali ɲamakalaw ka jɛkuluba yiriwali kama (Recotrade).
Kɔkanmalidenw ka jɛkuluba (HCME) (HCME), Mali silamɛdiinɛ tɔnba (HCIM), Mali musokunw ka pilatifɔrɔmu, Mali muso minisiriw ka tɔnba, wulikajɔkulu min ɲɛsinnen bɛ fasojama kanganni ma (MRC), ka fara jamana tɔn wɛrɛw kan, minnu tɛ politikitɔnw ye, nin bɛɛ fana ka cidenw tun bɛ yen.
Dɔkala Yusufu JARA
Abubakari TARAWELE
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
