Jago ni izininko minisiri bɛ baara la, min b’a to a bɛ se ka kɛcogo ɲuman don julaw kɔrɔ, ani sɔɔnin, yamaruyasɛbɛn sɔrɔcogo kura bɛna bila u ka bolo kan ɛntɛrinɛti kan. Nin waleyaw b’a to u bɛna se k’u firifiri kosɛbɛ sangaɲɔgɔnma kɛnɛw kan julaya nasira la. Jago ni izininko minisiri Musa Alasani Jalo ye nin laseli in kɛ a ka kɔrɔfɔ kɔnɔ minɛnw ladonni don kɛrɛnkɛrɛnnen jamana kɔnɔ, o kɛnɛ sigili tako fɔlɔ la. A bɛna laɲɛnamaya san o san desanburukalo tile 07.
Hakililajigin na, nin don in hakilila tara dekere n° 2023-0697/PT-RM fɛ, min tara nowanburukalo tile 24 san 2023. Laɲinin : ka hakilila falen kɛnɛ sigi senkan ani k’o tɔpɔtɔ fɔkabɛn dagalen hukumu kɔnɔ foroba fanga ni baara kɛbaaw cɛ disidakow, sɔrɔw ni binw ani siniɲɛsigikow yiriwali ni minɛnw ladonni ɲɛtaa kan. Kɛnɛ in n’a cogoya bɛɛ, a bɛ kɛ hakilila falen, fɛsɛfɛsɛli ani wulikajɔ waati ye minɛnw ladonni jɔyɔrɔba kan sɔrɔ yiriwali kuntaala jan na, bɛɛ sen bɛ min na an ka jamana kɔnɔ.
Jago ni izininko minisiri Musa Alasani Jalo ka ɲɛfɔli la, minɛnw ladonni bɛ nɔgɔyaba di Mali cakɛdaw ma, minnu b’a ɲinin ka yiriwa diɲɛ kɔnɔ. O sugu fanba bɛ Azi gun, ani Ameriki latini (woroduguyanfan) gun kan. O yɔrɔ ninnu ye nafasɔrɔyɔrɔw ye, hali n’i y’a sɔrɔ disidako dɔw b’u la, minnu ka kan ka furakɛ. Walasa ka se ka nafa bɔ o nɔgɔyada ninnu na, cakɛdaw ka kan ka fɛɛrɛ ɲuman tigɛ minɛnw ladonni kama, ka sinsin kɔnɔko jɔnjɔnw kan, hakili bɛ jɔ minnu fɛ. N’o ye ka taayɔrɔw dantigɛ nafa bɛ se ka sɔrɔ minnu na kosɛbɛ, ka minɛnw ladonni fɛɛrɛ ɲuman tigɛ, k’i ka minɛnw an’i ka baara kɛtaw mabɛn ni sigida makow ye. Cakɛdaw ka kan fana, k’u yɛrɛ deli taabolow la, jago kɛcogo sigidaw la, ani ka faratiw ni disidakow dantigɛ, kɔn ka kan ka kɛ minnu ma.
Fɛn min ye farati kɛrɛnkɛrɛnnenw ye Musa Alasani Jalo bolo, o ye basigibaliya ye politiki ni sɔrɔ la, balan minnu bɛ taabolow la ani duwaɲɛko la, wari jaasili jamanaw cɛ ani fɛn dilannenw tigiya lakananni. Ale bolo, ni fɛsɛfɛsɛliba kɛra sugu jateminɛnenw kan ani ka labɛn kɛ koɲuman, olu nafa bɛ sɔn ka bonya faratiw dɔgɔyali la ani ka garijɛgɛw bonya a kow la. An bɛ waati min na, lamini ani hadamadenya lakananni nafa ka bon kosɛbɛ ; yiriwali kuntaala jan y’o la sinsinbere ye sɔrɔ jiidili la minɛnw ladonniko la cakɛdaw bolo. Ani fana, ka baara kɛ ni hakili ye, ka lamini disidakow furakɛli ko kuraw fana dajira. O la cakɛdaw bɛ se ka bɔ ɲɔgɔn na o sugu kuraw la ani ka nɔgɔyada kuraw sɔrɔ ɲɛtaa la.
Jago ni izininko minisiri sago don siniɲɛsigikow sugu kuraw la san tan nata kama, olu bɛ se ka kɛ jigisigiko ye, disidakow n’u ta bɛɛ, karan ka kan ka kɛ minnu furakɛli ma. Minɛnw ladonni ɲɛtaa ka kan ka kɛ, ka kɛɲɛ n’an ka izininw makow cogoyaw ye yiriwaliko la jamana kɔnɔ.
Minisiri y’a sinsin nin don kɛrɛnkɛrɛnnen in kan, ka foli di baara kɛbaaw ma u ka kandili la. O kandili min bɛ dɛmɛn don an ka fɛnw ani baara kɛtaw ɲɛtaa sabatili la Afiriki tilebinyanfan, Afiriki mumɛ ani diɲɛ kɔnɔ, ka dɔ fara Mali yecogo fanga kan. O n’a ta bɛɛ, minisiri sinsinna baara kɛli kan ka hakililaw yiriwa, min b’a to forogo ɲumanw bɛ se ka sɔrɔ, ka sugu kura nafamaw lakodɔn julaw fɛ ani k’an ka sannifeere bolofara caya.
Dɔkala Yusufu JARA
Baba KULUBALI
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
