Minusima
bɔli
ka ban pewu Mali kɔnɔ, an n’o cε tε tεmεn dɔgɔkun
fila kan bilen. Gɔfεrεnaman n’a ka
ciden dɔw ye lajε dɔ kε kɔkankow ani diɲε tɔnbaw cε koɲεnabɔ minisiriso la. O cidenw ɲεmɔgɔya
tun bε ONU sekeretεri zenerali ɲεmɔgɔ dankan Atulu Keyiri bolo. Kɔkankow
ani diɲε
tɔnbaw
cε koɲεnabɔ
minisiri Abudulayi Jɔpu, taamakow ni siradilanw minisiri Madamu
Danbεlε Madina Sisɔkɔ
ani sigida n’a lamini, saniya ani yiriwali kuntaala jan minisiri Mamadu Samakε, olu ye Mali jɔyɔrɔ
fa.
Lajε kuncεlen, minisiri Abudulayi Jɔpu y’a jira, ko fɔkabεn
ma deli ka kɔtigε Mali ni ONU cε. A ye hakililajigin fana kε,
ko sariya dɔ
de tara zuwεnkalo satɔ, ka sarati da Minusima ye a ka bɔ Mali
kɔnɔ. Wa,
ko « an ka jεkulu fila ninnu ye baaraw kε ɲɔgɔn fε laɲininw sabatili kama ». Abudulayi Jɔpu
ka fɔ
la, bɔli
dakun fɔlɔ bolodalen
waleyara basigi ani ɲɔgɔn faamuya kɔnɔ
gεlεya kɔlɔsilen dɔw latεncogo la.
Nka,
bɔli
dakun filanan bolodalen waleyali ma kε i n’a fɔ
sigi tun kεlen don n’a ye cogo min na. Gεlεya donna o ko caman na ;
kεrεnkεrεnnenya la, politiki kunda ani basigi kunda.
Minisiri
Jɔpu
kɔni
labanna ka jigisigi kuma fɔ. A ko Minusima bεna bɔ
pewu yanni desanburukalo in tile 31 ka tεmεn. Fεn min tun ye laɲinin
ye kosεbε, o ye Minusima ka bɔ k’a sɔrɔ fiɲε ma bila an ka jamana kelenya la. Paara jan kεra
o sinsinni na ; wa tεmεn bε kε ni basigibaliya ani kojugubakε kεlεli ye.
A
ko fεn min ye baaraw kuncεli waleyaw ye, olu daminεna kaban. O bεna kε Minusima
mɔgɔ
damadɔ ɲεna
yan, ka ɲεsin
baara kεta dɔw ni minεn damadɔw koɲεw
ɲεnabɔli
ma. Abudulayi Jɔpu ka fɔ la, hali ni Minusima bɔra
Mali kɔnɔ,
Mali ni ONU bε to ɲɔgɔn bolo ; sabula Mali ye ONU tɔndenjamana
ye. ONU tɔgɔla
cakεda kεrεnkεrεnnenw bεna to yan, k’u ka baaraw kε, Malidenw nafa bε minnu na.
Nka minisiri bε min gεlεya ONU ma, o ye ka baara kε ni jamana ɲεmɔgɔw
ye. ONU sekeretεri zenerali dankan ye foli ni tanuni lase Mali gɔfεrεnaman
ma, a ka dεmεn na Minusima bɔli dakun bεε kɔnɔ ;
sabula bɔli in kεra k’a sɔrɔ diɲε tɔnba tɔgɔla lakananbaa si kelen ni ma to a
kow la. Hali ni gεlεyaw kɔlɔsira,
hakililaw sera ka ɲɔgɔn ye joona, ka se k’u latεmεn. Sisan kow sera u
kuncεyɔrɔ
ma, Atulu Keyiri ka fɔ la.
A
labanna k’a jira, ko dakun kura bεna daminε Mali ni diɲε
tɔnba
cε, Malidenw ka hεrε bε min na, ka kεɲε ni gɔfεrεnaman haminanko gεlεn dantigεlenw ye. O dɔ
ye sɔrɔ
ni hadamadenya yiriwali ye Malidenw ka hεrε kama. A y’a jira fana, ko ONU bε to
Mali kεrεfε, jamana ɲεmɔgɔw mana u haminankob minnu dajira a la, k’a seko kε
o waleyali la.
Bεnbabilen
DUNBIYA
Dɔkala
Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
