Jεkulu min ɲεsinnen bε ɲεnamininfεnw kεlεli ma, n’a tubabukan daɲε surun ye (OCS) ye, nin kεra a siɲε fɔlɔ ye ka nin ɲɔgɔnna ɲεnamininfεn caman sɔrɔ mɔgɔ bolo jumadon ɔkutɔburukalo tile 6 san 2023. A wulikajɔw ɲεmɔgɔya tun bε Kolonεli Mahamεdi Agi Dahamani bolo. A n’a
ka cεdenw sera k’u tεgε da siganamɔgɔ muso fila kan. Kelen ye Lajinε jamanaden ye, tɔ kelen ye Nizeriya jamanaden ye.
Kunnafoniw y’a jira ko san 2023 in kɔnɔ, nin ɲɔgɔnna ɲεnamininfεn caman tun ma sɔrɔ mɔgɔ bolo fɔlɔ ; wa a
sababu bɔra sigidalamɔgɔw n’u lakananbaaw ka jεkabaara la. Dɔrɔgu ninnu tun dogolen bε mɔgɔ fila ninnu ka finijukɔrɔfiniw kɔnɔ, ka bɔ
Lajinε ka don Mali kɔnɔ.
U tun t’a dɔn ko Kolonεli Dahamani n’a ka cεdenw bεlεnnen bε k’u
makɔnɔ ;
sabula u lakodɔnnen don ni nin waleya jugu in ye a mεεnna. Tuma min na tεgε dara u kan, mɔmɔniw bɔra ni dɔrɔgu dogolenw ye fo u ka finijukɔrɔfiniw kɔnɔ. Dɔrɔgu ninnu minεna u la ka taa n’u ye u ka cakεda la.
Dɔrɔgutigiw yεrε ka koɲε donna dɔrɔguko ani ɲεnamininfεnko kiiritigεlaw bolo, kojugubakε kεlεli
hukumu kɔnɔ. Jamana ɲεmɔgɔw b’a ɲinin sigidalamɔgɔw fε halibi, u ka fara lakananbaaw kan, min b’a to dan
bε se ka sigi kojugubakε la jamana kɔnɔ.
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
