Laɲinin min tun kεra Palεsitini donni
kan ONU kɔnɔ, o dajirala Alizeri fε. A kolatigε
bε jamana hakε minnu bolo, 12 sɔnna a ma ; nka 1 ma jεn n’a ye ; n’o ye
Lamerikεnjamana ye (Etazuni). Jamana fila y’a yεrε minε olu ma sɔn k’u fεla fɔ a kan ; n’o ye Uruwayɔmu Ini ani Suwisi ye. ONU ka fɔ la, walasa jεn ka kε ni jamana dɔ ka tɔndenya ye, fo jamana 9 ka jεn n’a
ye. Nka o dama tε ; kolatigε bε jamana minnu bolo n’o ye Siniwajamana, Lamerikεnjamana,
Faransi, Uruwayɔmu Ini ani Irisijamana ye, fo o kelenna bεε ka jεn n’a
ye.
Lamerikεnjamana ka ciden Orobεri
Wudu ka fɔ la, olu banna
a ma, ka da a kan ko basigi sabatilikulu jɔyɔrɔ ye waleyaw kεli ye, minnu bεna ni bεn ni basigi ye diɲε kɔnɔ ; wa k’o de bε bεn ONU sariya ka wajibikow ma.
A ko sεbεn min dajirala ONU donni kolabεnkulu
fε tɔnden kuraw
kunkan, a tun bε kɔlɔsi o kɔnɔ, k’a mɔgɔw yεrε bεnnen tε a kan, n’a y’a sɔrɔ Palεsitini b’a donni saratiw dafa,
ka kεɲε ni ONU
sariya sariyasen 4nan kɔnɔko ye.
Misali la, a ma faranfasiya fɔlɔ, ko Palεsitini y’a damana jamana
ye. A ko olu b’a ɲinin Palεsitini faamaw fε, u ka yεlεma don kow cogoya
la, min b’a to u bε jate u damana jamana ye. Kɔlɔsili la, kojugubakεkulu
« Hamas » de bε ka fanga boli Palεsitini kɔnɔ ; Gaza b’o sagoya la, O Gaza dun
ye Palεsitini jamana fan dɔ ye. Ka da nin daliluw kan, Lamerikεnjamana banna
Palεsitini kεli ma ONU tɔnden ye.
Orobεri Wudu ka fɔ la, Lamerikεnjamana bε bεnkan senkɔrɔmadon kosεbε ka ɲεsin jamana fila ma. A ko kalata
min kεra a ko kan, o tε banni ye Palεsitini kεli la a damana jamana ye, nka a taara
fεn min fanfε, o ye Palεsitini yεrε nabaliya ye a yεrε kunfɔ ONU ye.
A ko ONU ka basigi sabatilikulu ye
lajε min kε awirilikalo tile 8 san 2024, o dabɔra a y’a ɲininni min kε, ka kε kɔlɔsilikεla ye ONU kɔnɔ, o sεbεn fεsεfεsεli, ka sɔrɔ k’a dɔn n’a bε se ka kε a tɔnden ye. A tun ŋaniya sirila fana
jεkulu kεrεnkεrεnnen in ka ONU donni ɲininbaa kuraw ka laɲininsεbεnw sεfεfεsε. O jεkulu y’o lajε kε awirilikalo
tile 8 ka se a tile 11 ma.
Palεsitini ye kɔlɔsilikεla ye ONU kɔnɔ, Sεn-Siyεzi b’o cogo la. O kɔlɔsilikε jɔyɔrɔ min b’a bolo, o b’a yamaruya ka ye
ONU ka ko caman labεnw kεnε kan, fo n’a kεra bεnkanw tali kalataw kεnεw ye a jɔsenw n’a fangabulonw fε.
ONU sariya b’a jira, ko donni dayεlεlen
don jamana bεε ye, n’a hami ye bεn ye, ani n’a bε sɔn k’a kun don a ka wajibikow kɔrɔ, minnu dantigεlen don sariya kɔnɔ ; ko minnu fana wajibiyalen a kan, n’a bε jεn n’olu waleyali ye.
Mohamεdi JAWARA
Dɔkala Yusufu JARA
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
