Jεkulu dɔ sigira senkan walasa ka
sariyasunba waleyacogo sariya ŋaniya sirilenw fεsεfεsε. O sariya ninnu labεnna
minisirisow fε, u filiw bε latilen ani k’a lajε, ni yεlεma ɲuman bε se ka don yɔrɔ dɔw la. O baaraw daminεna kabini ntεnεndon Kuluba
Furancεlafanga jamanakuntigi
Kolonεli Asimi Goyita ye sariya n°2023-0648PT-RM ta nowanburukalo tile 1lɔ san 2023, ka san 2023 zuluyekalo
tile 22 sariyasunba waleyacogo sariya ŋaniya sirilenw latilenni jεkulu
sigicogo, a baarakεcogo an’a labεncogo dantigε. O jεkulu in sirilen don
jamanakuntigi yεrε la. A ka baara ye ɲεbila poroze ŋaniya sirilenw fεsεfεsεli ye sariyasunba
waleyaliko la. O sariya ŋaniya sirilenw labεnna minisirisow fε, walasa ka se
k’a filiw latilen ani k’a lajε ni yεlεma ɲuman bε se ka don a yɔrɔ dɔw la.
Baaraw ɲεmɔgɔya bε Pr Fuseyini Samakε
bolo. San 2023 zuluyekalo tile 22 sariyasunba waleyacogo poroze ŋaniya sirilenw
filiw latilenni bε o jεkulu min bolo, mɔgɔ 20 ɲɔgɔnna b’a kɔnɔ. Tile bi saba hakε kuntaala b’u bolo baara in kama.
N’u tilala, u b’u ka baara kεlenw laselisεbεn labεn ka di jamanakuntigi ma, ka
poroze in filiw latilennen fara o kan. Jεkulu in ɲεmɔgɔ ka fɔ la, sariyasunba dama tε labɔli kε. Walasa a ka se ka waleya a ɲεma, fo a ka senkɔrɔmadon n’a waleyacogo sariyaw ye.
Pr Fuseyini Samakε ka fɔ la, sariya dɔw tali kofɔlen don sariyasunba kɔnɔ. O la, a ɲuman ye o sariyaw ka sigi, min b’a
to sariyasunba bε se ka waleya a ɲεma. Jεkulu ka baara ye o waleyacogo sariyaw kalanni
ye, ni fili b’u la k’u latilen. O sariya ninnu labεnna minisirisow fε.
Jamanakuntigi ye jεkulu sigi senkan u kalanni na, ani k’a lajε ni yεlεma ɲuman bε se ka don u yɔrɔ dɔw la. Sariyako ɲεdɔnbaa ŋanaw dama de bε jεkulu in kɔnɔ.
Hakililajigin na, sariya ŋaniya sirilen 18 de b’u bolo ka fεsεfεsε. Kalata
sariya ; fangabulon kuraw kunkan sariya, i n’a fɔ jatebɔ kiiritigεbulon, laadatigiw, jamana
sariyasunba lafabulon kunkan sariyaw, ani dɔwεrεw. O sariya ninnu bε laɲinin ye sariyasunba waleyacogo ye.
Umaru JAKITE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
