Laseli min kɛra a don, jamana kɔnɔ kunnafonidi cakɛdaw fɛ, a jirala k’o fɛn pɛrɛnta ninnu mantɔɔrɔ ka bon ka da u mankanw kan. O la, u bɛ se ka kɛ degun ye fasojama ka basigiko la. Wa ko petarininw bɛ se fana, ka tasuma wuli yɔrɔw la, ka joginni kɛ, nibɔ yɛrɛ bɛ se ka k’a la, ka fara bolofɛnw jeninni kan.
Ka da u kɔlɔlɔ jugu kan, basigi ni siwiliw lakananni minisiri bɛ fasojama ladɔnniya, ko petarininw ani fɛn pɛrɛnta suguya bɛɛ labaarali kɔnnen don jamana fan bɛɛ fɛ k’a daminɛ desanburukalo tile 05 la san 2024 fo ka se desanburukalo tile 31 ma san 2025. A ɲininnen don jama fɛ, u k’u hakili to nin dabali tigɛlen in labatoli la. Sabula ni min y’i tugu k’a kɛ, i mana minɛ i ni ɲangili min ka kan, o bɛ da i kan.
Nin bɛnkan min tara marako la ani basigiko la, a bɛ ɲinin denmansa bɛɛ fɛ, u k’u janto u denw na sarati dalen in kuntaala kɔnɔ.
Dɔkala Yusufu JARA
Suleyimani SIDIBE
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
