Sigikafɔ Malidenw yεrε dama cε : Laadatigiw y’u kandi k’u sɔnna

Laadatigiw ni diinεɲεmɔgɔw sɔnna jamanakuntigi hakilila ma. O kεra lajε dɔ senfε, min labεnna gɔfεrεnaman fε ni gɔfεrεnεriw ka dεmεn ye

Par

Gansira lundi 08 janvier 2024 à 12:00
Sigikafɔ Malidenw yεrε dama cε : Laadatigiw y’u kandi k’u sɔnna

Furancεlafanga jamanakuntigi Kolonεli Asimi Goyita ka san kura laseli senfε ka ɲεsin jamanadenw ma, ɲεtaa minnu sɔrɔla lafiya sɔrɔli siratigε la, a ye dɔ fɔ olu la, ka laban ka sigikafɔ dɔ ŋaniya siri Malidenw yεrε dama cε, walasa ka se ka kojugubakε dili tigε ka bɔ sigidaw kɔnɔ ani sigidaw cε. O siratigε la, a y’a jira ko jεkulu kεrεnkεrεnnen bε sigi yanni kalo kelen kuntaala cε o baaraw ɲεmɔgɔya kama, min bεna a ka laselisεbεn di o mεεnnenba ye feburuyekalo nata in ye.

Tile damadɔ jamanakuntigi k’o kunnafoni in laselen kɔ, mara ni desantaralizasɔn minisiri ye dabaliw tigε baara in sabatili kama sigikafɔba in kama. O siratigε la, Kolonεli Abudulayi Mayiga ni diinεkow minisiri Dr Mahamadu Kɔnε taamana ka bɔ Bamakɔ dugulenso, silamεdiinε ani kerecεndiinε ɲεmɔgɔw la.

Kolonεli Abudulayi Mayiga y’a jira k’u nanen bε jamanakuntigi Kolonεli Asimi Goyita ka laɲinin faranfasiya u ye ; n’o ye sigikafɔ ye Malidenw yεrε dama cε. Gɔfεrεnaman y’a ŋaniya, k’o waleya in ye kεta ye Malidenw cε san 10 gεlεya kɔfε. Ni Ala ka jεn ye ani malidenw ka cεsiri, sigikafɔ in bεna kε fura ɲuman ye, min b’a to bεn ni lafiya ani basigi ka se ka sabati a ɲεma an ka jamana kɔnɔ.

 

Mara minisiri kεlen ka laadatigiw  ni diinεɲεmɔgɔw kumaɲɔgɔnya, jamanakuntigi hakilila in bεnna u ma. U labanna k’a jira k’u b’u seko kε a baaraw la. Yanni k’o sigikafɔ in daminε, a y’a jira ko wajibi don ale ma, minisiriɲεmɔgɔ Dr Sogεli Kokala Mayiga ka ɲεmɔgɔya kɔnɔ, ka furancεlafanga jamanakuntii hakilila dajira laadatigiw la sigikafɔ in kunkan ; kεrεnkεrεnnenya la silamεdiinε ɲεmɔgɔw. O ɲɔgɔnyew kuncεra ni dugawudonw ye lafiya ni bεn sɔrɔli la an ka jamana kɔnɔ.

 

Marayɔrɔw gɔfεrεnεriw fana y’u ka yɔrɔw laadatigiw n’a diinεɲεmɔgɔw kumaɲɔgɔnya jamanakuntigi hakilila in kan Malidenw yεrε dama cε. Tumutu lajε kεra juma tεmεnnen in Tumutu mara jago ni iziniko soba la. A ɲεmɔgɔya tun bε gɔfεrεnεri Kɔntorolεri pεrεnsipali Bakun Kantε bolo.


Perefew, maray
ɔrɔ ani sigidaw kɔnseyew tun b’a kεnε kan, ka fara a sɔrɔdasiɲεmɔgɔw kan. Jamanakuntigi ka hakilila ye min ye sigikafɔ la malidenw yεrε dama cε lafiya ni fɔkabεn na,   gɔfεrεnεri y’o jira laadatigiw la, ko  mara minisiri y’a ɲinin gɔfεrεnεri bεε fε, u ka ɲεfɔli kε a ko kan k’a kumaɲɔgɔnya kεnεw sigi, ka mɔgɔw fεlaw an’u ka laɲininw dɔn a ko la, ka laban ka dugawu ɲinin u fε lafiya sɔrɔli ani furancεlafanga tiimεcogo ɲuman na  an ka jamana kɔnɔ.

Gɔfεrεnεri ye jamanakuntigi hakilila in ɲεfɔli kε kosεbε, k’a ɲinin jama fε, u k’u bolo di ɲɔgɔn ma, fɔkabεn sabatili la an ka jamana kɔnɔ, ani ka se ka mɔgɔw tin don ɲɔgɔn na ka taa a fε, Maliden kelenna, a cεman ni musoman, bεε k’i diya dannaya sɔrɔlen sigidaw cε, jamana ka lakanan kɔnɔ, jamana ka kelenya, a diinε camanko hakilila, dugukolo kelenya labatoli ani furancεlafanga taabolo 3 labatoli fana kɔnɔ.

O siratigε la, bεε ka kan k’a j
ɔyɔrɔ fa, ni furancεlafanga ɲεmɔgɔw ka wele sera i ma sigikafɔ jεkulu dεmεnni na a ka baara la, o min bεna sigi senkan sɔɔnin. Tiɲε don caman kεra ; nka baara tɔ bε kɔ. Furancεlafanga jamanakuntigi y’a jira ko tεmεn bε kε ni kojugubakε kεlεli ye fo ka jamana basigi kosεbε tuma min na. Wa jamana dugukolo sibiriɲε kelen tεna to mɔgɔ si bolo i k’i sago kε Malidenw na.

O la, bεε ka kan k’a janto a yεrε la, min b’a to basigi ani fɔkabεn jaabi ɲuman sɔrɔlenw bε se ka sinsin Malidenw cε, Kabun Kantε ka fɔ la. Gɔfεrεnεri ye foli di jaman ma jamanakuntigi tɔgɔ la, ka dεmεnbaaw fo jamana kɔnɔ an’a kɔkan basigi siratigε la.

Tumutu laadatigiw ka jεkuluba kuntigi Alihadi Agi Gima ye foli ni tanuni lase furancεlafanga jamanakuntigi ma, a kεli la ka tanga da laadatigiw kan Mali kɔnɔ. Fεn min ye sigikafɔ ye Malidenw yεrε dama cε, a ko olu b’a la, u ka dεmεn bε Kolonεli Asimi Goyita ye a ka hakilila in na lafiya sɔrɔli la. Ni lafiya tε yiriwali baara si tε se ka sennaminε jamana kɔnɔ. A ye layidu ta, ko laadatigiw bε jamanakuntigi kɔ a hakilila in na. Diinεɲεmɔgɔw ka ciden Alifadi Ahamadu Baɲo Wangara, ni Bajinde misiri alimami don, o y’a jira, k’u ka dugawu bε ka taa jamanakuntigi ma lafiya sɔrɔliko la a bolo.

Tawudeni mara kɔnɔ, laadatigiw fana y’u kandi jamanakuntigi hakilila senkɔrɔmadonni na sigikafɔko la Malidenw yεrε dama cε. Wa ko u kun bε furancεlafanga ka baara kεtaw kɔrɔ jamana jɔli kura siratigε la.

 

Gawo, kumaɲɔgɔnyaw kεra jamanakuntigi hakilila kan. O sigilikεnε ɲεmɔgɔya tun b’u ka gɔfεrεnεri zenerali de birigadi Musa Moriba Tarawele bolo. Gawo, Burεmu, Ansɔngo ani Alimusurati sεrεkiliw laadatigiw tun b’a kεnε kan. Gɔfεrεnεri y’a jira ko, jɔyɔrɔ min bε laadatigiw la bi, o dogolen tε mɔgɔ si la.

Alimusurati sεrεkili laadatigiw ka kumalasela Sidi Mohamεdi Kunta y’a jira k’u ka sigidalamɔgɔw bε jamanakuntigi kɔ a hakilila in na. Burεmu sεrεkili fana k’olu b’o cogo kelen na ; wa u bε gɔfεrεnaman kɔkɔrɔ a ka waleya ɲuman bεε la. Ka dugawu kε u ka se sɔrɔ juguw kan Mali bɔɔsili kεlεw la.

Madiba KEYITA

Dɔkala Yusufu JARA

 

 

Dɔkala Yusufu Jara

Nin fana kalan : Mɔbiliw asuransi : Munna nɔladilanwari bɛ mɛɛn ?

Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.

Nin fana kalan : Sanubɔ Kangaba : Sanuko ni kalanko bɛɛ, siniɲɛsigi ka labɛn

Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.

Nin fana kalan : San 2026 kupudimɔni : Santarafiriki-Mali 0-0, Sɛgɛw ye baara gɛlɛya u yɛrɛ bolo

Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.

Nin fana kalan : Marisikalo tile 26, Seyidusuw tɔgɔladon, san 1991-2025 : Syidusuw miiriya waati disidakow la

Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.

Nin fana kalan : Baaradegekalan : Degeden 2.500 y’u kali k’u bɛna baara kɛ ni ladiriya ye

Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.

Nin fana kalan : Seko ni dɔnko : Yokoro ani Salawale-wale bɛ ba la halibi

Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.

Tigi ka sεbεnniw

Mɔbiliw asuransi : Munna nɔladilanwari bɛ mɛɛn ?

Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.

Par Dɔkala Yusufu Jara


Publié lundi 12 mai 2025 à 12:36

Sanubɔ Kangaba : Sanuko ni kalanko bɛɛ, siniɲɛsigi ka labɛn

Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sanu sɔrɔli kan ka tɛmɛn kalan kan..

Par Dɔkala Yusufu Jara


Publié mardi 25 mars 2025 à 12:27

San 2026 kupudimɔni : Santarafiriki-Mali 0-0, Sɛgɛw ye baara gɛlɛya u yɛrɛ bolo

Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.

Par Dɔkala Yusufu Jara


Publié mardi 25 mars 2025 à 12:26

Marisikalo tile 26, Seyidusuw tɔgɔladon, san 1991-2025 : Syidusuw miiriya waati disidakow la

Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.

Par Dɔkala Yusufu Jara


Publié mardi 25 mars 2025 à 12:24

Baaradegekalan : Degeden 2.500 y’u kali k’u bɛna baara kɛ ni ladiriya ye

Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.

Par Dɔkala Yusufu Jara


Publié mardi 18 mars 2025 à 11:27

Seko ni dɔnko : Yokoro ani Salawale-wale bɛ ba la halibi

Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.

Par Dɔkala Yusufu Jara


Publié mardi 18 mars 2025 à 11:21

Kupudimɔni 2026 : Komɔri-Mali, Sɛgɛw ye jabaaya don Ujuda

Selen Marɔku sibiri su k’a dugu jɛ kari la, degelikaramɔgɔ Tɔmu Sɛnfiye n’a ka cɛdenw y’u ka farifoni balontanko fɔlɔ kɛ ntɛnɛn marisikalo tile 17 san 2025. Cidenkulu mɔgɔ tɔw ka kan ka se Ujuda bi tarata ni Ala sɔnna. Ujuda ye dugu ye, min bɛ Marɔku ni Alizeri dancɛ la.

Par Dɔkala Yusufu Jara


Publié mardi 18 mars 2025 à 11:20

L’espace des contributions est réservé aux abonnés.
Abonnez-vous pour accéder à cet espace d’échange et contribuer à la discussion.
S’abonner