Mali ka kunnafoniko ni lagamuni cakɛda (Amap) cakɛda min ɲɛsinnen bɛ kumaɲɔgɔnya ma yiriwali kama (ANCD), ORTM, kunnafoni latɛmɛnni an’a gansili cakɛda (SMTD-SA), kunnafoni an’a dicogo kura cakɛda (Agetic), mɔgɔw bugunnatigɛ lakananni cakɛ (APDP), olu de ko don. Ɲɛmɔgɔsow nafoloko an’u warikow ka lafasalitɔnw (DFM) kunnafoniko minisiriso la ani CNCM ta, ka fara Garafiki ɛndisitiri ta kan, olu yɛrɛ b’u cɛla.
Lajɛ in kumatigi tun ye « Snipil » sekeretɛri zenerali Basaro Hayidara ye. A ye ɲɛfɔli kɛ kabini a ka kɔrɔfɔ daminɛ na, baara in gɛlɛyaw kan. A ka fɔ la, kunnafoniko cakɛdaw bɛ seyidusuya bolo kan.
A ye hakililajigin kɛ fana, ko kabini waati jan, a ka ca ni san caman ye, bɛnkanw bɛ baarakɛla minnu ni cakɛda dɔw cɛ baara nasira la, olu kɔlilen don u ka hakɛw la ; kɛrɛnkɛrɛnnenya la banako jigisigiko la ; n’o bɛ wele tubabukan daɲɛ surun na « AMO ». Kasɔrɔ dɔ bɛ tigɛ u kun kalo la o koɲɛw dalakɛɲɛni kama. Hayidara fɛ, o wari hakɛ minnu bɛ tigɛ u kun, olu tɛ se baarakɛlaw ka siniɲɛsigiso (INPS) la.
O siratigɛ la, bɛnkan b’o baarakɛla minnu ni cakɛdaw cɛ, u kɔlilen don u ka hakɛw la Amoko la ; hali dɛmɛn min ka kan ka k’u ye u ka denbayaw ladonni kama, o kunmaniyanen don u ma. Don in kumatigi da sera baarakɛlaw haminanko wɛrɛw ma ka dɛn goninko la, n’o ye kuranko ye, kalosaraw dibaliya a tuma na, n’o ye gɛlɛyaba y’u bolo bankiw la ka da u ka juruko cogoyaw kan, baarakɛminɛn dɛsɛ ani bolifɛnko gɛlɛyaw b’a la.
Dɔkala Yusufu JARA
Umu SAKƆ
Esɔri sɛbɛnnijɛkulu
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
