Dɔ bɔli dunfεn kεrεnkεrεnnenw sɔngɔw la, i n’a fɔ sukaro, sogo, buuru yanni
sunkalo cε, o ye gɔfεrεnaman haminankoba ye bi. O de kosɔn jago ni iziniko minisiri Musa
Alasani Jalo sera sogofeerelaw an’u ka tɔnw ma. Minisiri kεlen kɔ ka sukarofeerelaw ni
buurufeerelaw kumaɲɔgɔnya, mununmunun sera Mali sogofeerelaw ka tɔnba (Anatrabevim) ma a dagayɔrɔ la , min b’a to dɔ bε se ka bɔ sogo sɔngɔ la cogo min na yanni sunkalo
cε. O siratigε la, a ye baganmara ni mɔnni minisiriso sekeretεri zenerali Madi Matεnεn Keyita
da a yεrε kan mununmununni in na.
Hali
ni bεn ma kε sɔngɔ kelen kan fɔlɔ, lajε in laɲinin kɔni ye ka sudali kε ka bila sogo da jiginniko la
yanni sunkalo cε. Mali sogofeerelaw ka jεkuluba jɔyɔrɔ
ka bon kosεbε sogo sɔrɔli la an ka jamana kɔnɔ sunkalo fε. O
la, a ɲuman
ye ka hakilijakabɔ kε a tuma na, dɔ
ka se ka bɔ
sogo sɔngɔ
la yanni sunkalo cε, hakililatigε ka na mɔgɔw la sogoko la.
Minisiri n’a lajεkεɲɔgɔnw, bεε y’a fεla fɔ a
fεrε ma ; wa kɔrɔfɔ nafamaw kεra. Dabali minnu bεna tigε, o bε sɔn
k’a to sunkalo sogoko ka kε hakililatigε kɔnɔ sogoko la. Minisiri ye foli ni tanuni lase Mali
sogofeerelaw ka tɔnba ɲεmɔgɔ ma a kεli la k’a yεrε bila u ka bolo kan. A ye
foli lase baganmara ni mɔnni minisiriso fana ma a dεmεnni na wulikajɔ
in na.
Mali
sogofeerelaw ka tɔnba ɲεmɔgɔ Mahamadu Dukure ko a wasara ni minisiri kumaɲɔgɔnyani
an’a bisimilali ye u ka tɔn dagayɔrɔ la ka kuma sogo sɔngɔko
kan. A ye foli di a ma a kεli la k’a faamuya, ko fɔkabεn
ye ko caman nɔgɔyasira ye. A k’olu ka tɔn
ye dabaliw tigε kaban, ka tɔndenw ni sogotigi tɔw
kunnafoni ani k’u lafaamuya dɔ bɔli la sogo sɔngɔ la, sannikεlaw fana ka lafiya kama.
Hakilila
falenw kɔnɔna
na, sogotigiw da sera gεlεya caman ma bagan sɔrɔli
an’a fagayɔrɔko
la. U y’a jira ko ni bagan bε sɔrɔ a ɲεma nɔgɔya la, sogo fana sɔngɔ
bε nɔgɔya
sugu la.
Minisiri
ye hakililajigin kε furancεlafanga jamanakuntigi Kolonεli Asimi Goyita ka laɲinin
na ; n’o ye ka jamanadenw haminankow ta ba la, k’u don gɔfεrεnaman
ka baara kεtaw kɔnɔ. A k’an bε waati min na, o ye sunkalo kunbεnni
waleyaw ye ; o min bε sɔn ka daminε marisikalo tile 11san 2024. O de kosɔn
wulikajɔw
bε sen na ka ɲεsin dunfεn kεrεnkεrεnnenw feerebaaw ma. Jago ni
iziniko minisiriso bε dunfεn kεrεnkεrεnnen saba de makaran kosεbε san 2024 in
sunkaloko la : Sukaro, buuru ani sogo.
Fεn
min ye sukaro ye, o san 2023-2024 kanpaɲi daminεna Sukala ani N-Sukala la ; a ɲεsinnen
bε sukaro tɔni
100.000 ma. O tɔni 100.000 in na, gɔfεrεnaman
hami ye ka tɔni 25.000 to bolo kɔrɔ
sunkalo sukaro hakε duntako ɲεsigili kama Mali kɔnɔ. Wa
tɔni
16.000 yεrε sɔrɔla ka bila bolo kɔrɔ o
25.000 fɔlen
in na kaban Sukala ani N-Sukala.
Makan
SISƆKƆ
Dɔkala
Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
