Mali polisiw ɲεmɔgɔba
komisεri zenerali de birigadi Suleyimani Tarawele tigεlen don a kan, k’a bε
basigibaliya nɔgɔya.
O de kosɔn Bamakɔ
faaba ani jamana marayɔrɔ
wεrεw la, polisiw bε wulikajɔw
la sanga ni waati bεε la su ni tile, ka dansagonwalew kεlε.
Sogoninkɔ polisiso
ɲεmɔgɔ
ye komisεri diwisiyɔnεri
Seku Male ye. U y’u tεgε da kojugubakεla 3 kan desanburukalo tεmεnnen in tile 06
ani 12. Marifaw ani ɲεnamininfεnw
tun b’u bolo. Pisitole otomatiki 5, a bε fɔ
marifa suguya min ma tubabukan daɲε
surun na PA, ka fara marifa suguya wεrεw ani kisε caman kan.
Telefɔni 12, tabilεti
1, furakisε kɔnnen
caman, penpelenkurun 1, muru 2, sɔli
(daba) 1, ɔridinatεri 1, gazibara
1 u bε min fiyε mɔgɔw
kan k’u kirin, ani fεn suguya wεrεw, i n’a fɔ sɔrɔdasifiniw,
dgɔtɔrɔ operelikεlaw
ka baarakεminεnkεsu 1 ani sugunεbana furakεla ka kase 1, nin bεε sɔrɔla
u bolo Sogoninkɔ
polisiso fε Bamakɔ
faaba komini 6nan na. U ɲininkalen
nin fεn ninnu kunkan, u ka koɲε
donna kiiri tigilamɔgɔw
bolo.
Komisεri diwisiyɔnεri
Seku Male y’a ɲinin
sigidalamɔgɔw
fε, u ka lakananbaaw dεmεn u ka baara la. U mana siganamɔgɔ
fεn o fεn ye, k’o kofɔ. O de b’a to
kojugubakε bε se ka kεlε ka bɔ an senkɔrɔ.
Yaya JAKITE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
