ODRS ɲεmɔgɔba Lansinε Dunbiya y’a jira Selenge alamisadon
feburuyekalo tile 29 san 2024, k’u b’a fε k’u sinsin nakɔsεnε
kan duguw kɔnɔ, ka musow dεmεn ni nakɔ 3
fo 4 ye. Jigi bε ka nakɔ taari 1.000 ni kɔ
labεn o kama ɲinan, ni jεɲɔgɔn
dɔ
ka dεmεn ye. Nin dantigεli in kεra ODRS ka laadatɔnsigi
29nan kεnε kan, min ɲεmɔgɔya tun bε sεnε minisiri Lasinε Danbεlε bolo.
O tɔnsigi
in senfε, kolatigεlaw ye tɔnsigi 28nan laɲininsεbεnw
ni a laselisεbεn fεsεfεsε, ka fara san 2024 tenkansigili (pεrifɔrimansi)
kan, ani ka wariko sεgεsεgεbaa kelen sugandili. Nin lajε in bεnna ni waati ye,
waati min ni ODRS sera ka 4,67% fara a ka san suman sɔrɔ
kan. Nka fεn min ye jεgεko fanfεla ye, ji labɔcogo
forow kɔnɔ, o ye fiɲε
bila o sɔrɔ la kosεbε. Jεgεw minεcoo jugu fana kεra gεlεya
ye baara in na.
Jaabi ɲuman kɔni sɔrɔla forolabεn na. Nka disidakow bε yen
halibi ; n’o ye ji donni n'a bɔli ye maloforow kɔnɔ
sεnεkεlaw sagolawaati la. Walasa ka se ka ji ladon forow kɔnɔ,
ODRS wajibiyara ka jisamanpɔnpew san. Ka laban ka pɔnpe
wεrεw san ji labɔli kama forow kɔnɔ samiyε fε. Nka kabini o pɔnpew
sigira, u kilew ma se ka sɔrɔ ka baara kε ODRS ɲεmɔgɔba
ka fɔ la. O gεlεya de bε yen halibi. O de la hali ni
sanjiko kεra wasa ye san 2024 kɔnɔ, ji dantεmεn min bε jɔ
forow kɔnɔ, labɔcogo tεna sɔrɔ o
la.
Lasinε Dunbiya y’a jira ko san 2023 kɔnɔ,
angεrε sɔrɔli kεra gεlεya ye. Gɔfεrεnaman
b’o angεrε min di, o ma sɔrɔ a waati ɲuman
na, wa a ma di ka tugu fana. N’o tε, ko u tun bε sɔn
ka laɲinin sabati ni 5,6%» ye. Bagan yεrεmabilaw ka tiɲεni,
ani cεncεnmɔbilibaw ka degun kεra a damana gεlεya ye. Mɔbiliw
falen bε yεlεn digiw kan ka tεmεn. A ma ɲε
fo u y’u yεrε dεmεn ni zandarameri ye, k’olu tεmεncogo kɔlɔsi.
Nka o si la, u ma wasa sɔrɔ o la.
Sεnε minisiri Lasinε Danbεlε ye ɲεfɔli kε san 2023 sεnεkεsan kan. A y’a jira ko
samiyε donna joona. Nka sanjiko gεlεya kεra yɔrɔ
minnu na, danko fila kεra o foro dɔw la. Jaabi ɲuman
sɔrɔla
tilemafεsεnε na sεnεkεmara bεε kɔnɔ, dɔ farala baarakεdensara kan forow kɔnɔ, bana ma caya sεnεfεnw fana na.
Suman hakε min sɔrɔla san 2023 kɔnɔ,
o sera tɔni 71.403,29 ma ; kasɔrɔ
san 2022 ta kεra tɔni 68.018,06 ye, o ye 4,74% faralen ye o kan. Malo
hakε min sɔrɔla sεnε kεcogo bεε la, o bεnna tɔni
29.669,19 ma san 2023 kɔnɔ ; kasɔrɔ san 2022 ta bεnna tɔni
26.854,49 ma. O ye 9,49% faralen y’o kan. Lasinε Danbεlε ka fɔ
la, dɔ farali sɔrɔw
kan, o sababu ye forow sabatili ye, sabula jiba ma se ka dan kari sɔrɔ
la, ka da ODRS ka dabali tigεlen kan ani dɔ
farali taari sɔrɔ kan k’a sababu kε sεnε kεcogo fεεrεw labatoli ye.
Fεn min ye mɔnni ani jεgεlamara fanfεla ye, sεnε minisiri y’a
jira ko jεgε tɔni 3.135 sɔrɔla
san 2023 kɔnɔ ; kasɔrɔ min sɔrɔla san 2022 kɔnɔ,
o tun ye tɔni 3.240 ye. jigin kεra o jukɔrɔ
ni 3,35% ye. Jigi tun dalen bε jirisiyεn 29.876 silakolokololi kan ; nka
min sera ka kε o bεnna jirisiyεn 33.000 ma. O ye 90,53% waleyalen y’o la. Jirituruko
la, taari 62,5 turula ; kasɔrɔ laɲinin tun ye taari 66 turuli ye. O ye 94,70 waleyalen
y’o la. Jibolisiraw ladonni siratigε la, sεnε minisiri y’a jira ko wasa sera ka
don jibolisira m57.706 la jobolisiraba kan ani jibolisira fitinin m70.711 kan.
Anta
SISE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
