O ye baarabolodalenba ye
an jɛ jɛkulu kɔrɔ Cedeao kɛrɛfɛ ; wa a waleyali
ye disidako ye Afiriki tilebinyanfan kelenya sabatili hukumu kɔnɔ. AES kɔnfederasɔn ye jɛkulu kura
ye ; nka a b’a la ka sannayɛlɛn sɔrɔ donɲɔgɔnna siratigɛ la.
Jamana saba ninnu bɔra ka ŋaniya min siri n’o ye ka dancɛw kari ka bɔ u ni ɲɔgɔn cɛ telefɔniko
nasira la, o y’o misali ɲuman ye. Telefɔni cili jamanaw cɛ,
nɔgɔyaba bɛna on o la. Erezo bɛna
sɔrɔ a ɲɛma.
Nowanburukalo tile 15 tɛmɛnnen in,
an ka jamana saba ninnu kunnafoniko minisiriw ka numeriki dɔgɔkun lajɛ kɛnɛ kan Burukina Faso, telefɔni erezo sɔrɔli a ɲɛma u ni ɲɔgɔn cɛ AES kɔnfederasɔn kɔnɔ, u y’o dabaliw tigɛ.
A ko tɔ waleyali ma bila ka balan kɔnɔ
tuguni ; sabula jamana saba ninnu telefɔnisow
ɲɛmɔgɔw ye lajɛ kɛ Ɲame Nizɛri faaba la ka sogokan in kɛ tiɲɛ ye.
U y’u bolonɔ bila bɛnkansɛbɛn na u ni
ɲɔgɔn cɛ. O siratigɛ la, Sayidu
Pona Sankare min ye telefɔniko mabɛnni cakɛda
(AMRTP) ɲɛmɔgɔ ye, an’a jɛɲɔgɔn fila ninnu hami ye ka telefɔniko donɲɔgɔnna laɲininw
waleyali sennateliya i n’a fɔ kɔnfederasɔn
jamanakuntigiw ka lajɛ senfɛ zuluyekalo tile 6 Ɲame,
olu y’o dantigɛ cogo min na.
Ni baasima wɛrɛ ma kɛ, desanburukalo tile 31 nata in bɛɛ, mɔgɔ bɛna se k’i
to Yelimani Mali kɔnɔ, k’a teri walima a somɔgɔ wele
Japaga Burukina Faso walima Doso Nizɛri jamana
na, i n’a fɔ a bɛ weleli kɛ Jankunte-Kamara walima Tin-Esako cogo min na k’a
to Mali kɔnɔ yan. O
waleya in telefɔniko nasira la, o bɛna kɛ nɔgɔyaba ye
telefɔni cili musakako la AES kɔnfederasɔn kɔnɔ fasojamaw cɛ.
N’o tɛ, n’i tun bɛ weleli kɛ jamana ni jamana, i tun bɛ musaka fila de sara : i yɛrɛ ta an’i
welebaa ta.
Ni telefɔnici nɔgɔyara o cogo la AES kɔnfederasɔn kɔnɔ, o bɛ sɔn ka kɛ AES kɛlen ye ka
walanda ɲuman di Afiriki mumɛ
ma donɲɔgɔnna
nasira la k’a sababu kɛ kumaɲɔgɔnya an’a
tɛmɛnsira fɛɛrɛ kuraw ye.
O donɲɔgɔnna in
senna bɛ teleya ni telefɔni
erezo ɲuman sabatili ye bi tile in na. Weleli kɛli teliya la, o tun nɔgɔyara ni cikanw sɛbɛnni (GSM) ye. Weleli nɔgɔyacogo
jamanaw cɛ, o bɛna kura
fara nɔgɔya kan.
Jamana caman tun y’a ɲinin ka nin waleya in sigi senkan u ni ɲɔgɔn cɛ ; hali cedeao (Afiriki tilebinyanfan nafoloko tɔnba) yɛrɛ tun y’a ɲinin k’a
kɛ ni Cemac (Afiriki cɛmancɛyanfan tɔnba)
ye ; nka a si ma se ka sira sɔrɔ. Erɔpu gun
kan, telefɔni cili musaka fila sarali dabilala kabini san 2017
Nansarajɛkulu jamanaw cɛ.
Ni Ala sɔnna, desanburukalo tile 31 san 2024, AES kɔnfederasɔn kuntigi
Zenerali darimɛ Asimi Goyita bɛna sanyɛlɛma ladiyalifɛn ɲuman di AES fasojama ma.
Dɔkala Yusufu JARA
Alasani Suleyimani
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
