Jamana dugukolo kɔlɔsili hukumu kɔnɔ, Mali sɔrɔdasiw ye mɔbili caman jurunintonnen ye Tin-Esako ni Tinzawatɛni furancɛ la Kidali mara kɔnɔ jumadon ɔkutɔburukalo tile 4 san 2024. Nin kunnafoni in lasera Mali sɔrɔdasiw ɲɛmɔgɔso ka kunnafonidi cakɛda « Dirpa » fɛ.
« Dirpa » y’a jira, ko mɔbili dɔw jurunintonnen tun bɛ ɲɔgɔn kɔ, pikɔpuw ni kamiyon kelen falen taji ni minɛnw na, olu tun b’a la ; marifatigi caman tun b’u kɔnɔ. Sɔrɔdasiw ka kunnafoniw sera k’a to u ka lakodɔn ; wa hinɛ ma k’a ko la ; u jateminɛnen waati kuntaala jan kɔnɔ, pankurunw ye bɔnɛ jigin u kan ; sabula sigalamɔgɔ caman tun kɔlɔsira yɔrɔw la.
Mali sɔrɔdasiw b’u sen kan su ni tile kojugubakɛ kɛlɛli kama ; kɛrɛnkɛrɛnnenya la Tinzawatɛni. O dugu in bɛ Mali ni Alizeri dancɛ la. Bi, a jatelen don k’a kɛ Mali bɔrɔtɔbaaw ni kojugubakɛlaw dagayɔrɔ ye. Kabini u kɛko fɔlɔ ɲɔgɔn na zuluyekalo banwaati la, Mali sɔrɔdasiw ma kɔtigɛ yen bilen ; sanga ni waati bɛɛ la, u b’a la ka bɔnɛ jigin u kan ni doroniw ye. O la karidon utikalo tile 25 san 2024, Mali ye pankurun kɛ ka kojugubakɛla mugan ni kɔ daji Tinzawatɛni.
O jaabi ɲuman sɔrɔlenw, Mali sɔrɔdasiw ɲɛmɔgɔso ka fɔ la, o sababu ɲuman bɔra pikɔpuw falen kɛlɛminɛnw na, olu lakodɔnni na doroniw fɛ, du dɔ kɔnɔ Tinzawatɛni.
Tarata fana utikalo tile 27 san 2024, nɛgɛ kanɲɛ 11 tɛmɛnnen ni sanga 53 ye, pankurun ye bɔnɛ jigin kojugubakɛlaw kan Tinzawatɛni woroduguyanfan fɛ ka digi kɔrɔn kan ni km4 ɲɔgɔnna ye. Kojugubakɛla tan ni kɔ fagara o la. O don kelen na, pankurun ye kojugubakɛlaw ka pikɔpu fila fana tiɲɛ u falen kɛlɛminɛnw na, km80 ɲɔgɔnna Anefisi kɛɲɛkayanfan fɛs, Kidali mara kɔnɔ.
An ka kunnafoniw na, Mali sɔrɔdasiw ye dɔ fara u hakɛ kan Kidali mara kɔnɔ, min b’a to u bɛ se ka kojugubakɛko silatunun pewu Tinzawatɛni.
Dɔkala Yusufu JARA
Abubakari TARAWELE
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
