O kɛlɛ in sebaaya sɔrɔli bɛ Mali sɔrɔdasiw ka baara kɛcogo ɲuman kofɔ ani Mali ka tigɛnkan kojugubakɛ suguya bɛɛ kɛlɛli siratigɛ la ani ka dɔ fara jamana basigili fanga kan.
Mali kojugubakɛla ɲɛmɔgɔ caman dajira nin kɛlɛ in na ; i n’a fɔ Sogibu Agi Atahari, Alibaraka Agi Alifaki, Mosa Agi Bayi Dikanani, Basara Agi Ahamɛdi, Fahadi Agi Alimahamudu, Mohamɛdi Agi Aserifu n’a tun bɛ wele Mafiki, Sidi Agi Bayi, Jamali Agi Alibaraka.
Nin kojugubakɛla ninnu sen tun bɛ binkanni caman na ka ɲɛsin siwiliw ani Mali sɔrɔdasiw ma u ka wulikajɔw kɔnɔna na Kidali mara basigiliko la.
Tinizawtɛni b’a la ka kɔlɔsi Mali sɔrɔdasiw fɛ o bɛ kalo damadɔ bɔ sa ; sabula yen kɛlen don kojugubakɛlaw ka binkanniw fɛɛrɛtigɛyɔrɔ ye jamana kɔtrɔnyanfan lonpolanpali kama.
Mali sɔrɔdasiw ye nin kɛlɛ min kɛ, a laɲinin tun ye ka kojugubakɛ erezo gili tigɛ ani ka bilisaɲagami don u ka kow labɛncogo la.
A bɛna kɛ sababu ye k’u fanga dɔgɔya labɛn an’u ka kojuguba kɛtaw mabɛnni gɛlɛyali siratigɛ la Mali dugukolo kan.
Cɛsiri minnu bɛ sen na Kidali mara basigiliko la ani ka tɛmɛn ni yenyɔrɔw basigili kɛlɛw ye, o b’a ɲinin ka jigisigi kɛ sebaaya sɔrɔlenw mɛɛnni na si la.
Mali sɔrɔdasiw ɲɛmɔgɔso ye foli ni tanuni di kɛlɛcɛ farinw ma kɛlɛdagaw la u ka dusu la ka tɛmɛn n’u ka baara kɛli ye cogoya ɲuman na ka taa a fɛ halibi.
O siratigɛ la, Mali sɔrɔdasiw ɲɛmɔgɔso b’a ɲinin sigidalamɔgɔw fɛ, u k’u yɛrɛ mabɔ kojugubakɛlaw dogoyɔrɔw la, ani fana, a b’u jigisigi k’u lakananni an’u ka basigi ye karanko fɔlɔ ye jamana lakananbaaw bolo. Wa ko n’an ye an fangaw fara ɲɔgɔn kan, an bɛ se ko la.
Dɔkala Yusufu JARA
Esɔri sɛbɛnnijɛkulu
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
