Bisimilali kεra hinε ni makari kɔnɔ Modibo Keyita tɔgɔla pankurunjiginkεnε na Senu Bamakɔ. Pankurun cunnen nεgε kan 1 waati la ka bɔ Tunizi, kɔkanmalidenw
ani Afiriki donɲɔgɔnna minisiri Mosa Agi Atahεri tun bε kεnε kan. Adama Keyita kεlen k’a yεrε
sɔrɔ so, o kεra nkalon ye a somɔgɔw bolo. Nisɔndiya ani ɲεji, o tun bε
mɔgɔ caman na kεnε in kan ; sabula u caman tun t’a dɔn tuguni, n’a bε a ɲuman bolo kan.
Adama Keyita ye Maliden ye, min tun joginna kosεbε a
minεbaaw fε Tunizi. kɔkanmalidenw
ani Afiriki donɲɔgɔnna minisiri yεrε taalen taam na Tunizi, o taara a ɲε da a kan Saluli de Susi dɔgɔtɔrɔsoba la Tunizi yen sεtanburukalo tile 06 san 2023. Furancεlafanga
jamanakuntigi Kolonεli Asimi Goyita tun ye yamaruya di, kɔkanmalidenw ani Afiriki donɲɔgɔnna minisiriso k’a jɔ n’a ka
furakεli musakaw ye, ani ka dabali tigε a kɔsegincogo la
Mali kɔnɔ. Dabali bεε fana tigεlen don, min b’a to
a ka kεnεyako kunkanko tɔ bε se ka tɔpɔtɔ Mali kɔnɔ yan.
Kɔkanmalidenw
minisiriso ka kunnafoniko cakεda y’a ka nisɔndiya an’a ka
wasa jira layidu tiimε na, u ye min ta Tunizi minisiri ka taama senfε. O b’a
jira ko minisiriso in ka kεtaw ye min ye, a b’o sira kan ; n’o ye ka dεmεn
don kɔkanmalidenw na, k’u lakanan, u mana
ye diɲε fan o fan fε.
Furancεlafanga ɲεmɔgɔw tɔgɔ la, minisiri Mosa Agi Atahεri ye
wotoronin kelen di Adama Keyita ma, ka laban ka wari dɔ da o kan bolomafara ye, a mako telimanw ɲεnabɔli kama. Minisiri y’o waleya min
kε, o bε bila ɲɔgɔndεmεn ani hinε ni makari minεn kɔnɔ, ka kɔkanmalidenw bolomagεn u ka gεlεyaw kɔnɔ.
Abubakari
TARAWELE
Dɔkala
Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
