A man kan yɛrɛ ka da don kow la, minnu nana ni minisiriɲɛmɔgɔ Sogɛli Kokala Mayiga bolo bɔli ye a jɔyɔrɔ baara la ; an hakili bɛ ko dɔw la minnu kɛra a ka minisiriɲɛmɔgɔya kɔnɔ ka tɛmɛn ; i n’a fɔ a ka bana waati la, mara ni desantaralizasɔn minisiri Zenerali de kɔri darimɛ Abudulayi Mayiga y’a nɔnabilali min kɛ.
O kɛra ni dekere n°021-0485/PT-RM tali ye utikalo tile 21 san 2022 furancɛlafanga jamanakuntigi fɛ, tuma min na dɔgɔtɔrɔw y’a wajibiya minisiriɲɛmɔgɔ Sogɛli Kokala Mayiga kan, a ka lafiɲɛbɔ kuntaala jan kɛ. Zenerali darimɛ Asimi Goyita k’o dekere tun b’a faranfasiya ko mɔgɔ sugandili ka bila minisiriɲɛmɔgɔ nɔ na, k’o bɛ tali kɛ san 2021 zuluyekalo tile 26 ta la, o min bɛ gɔfɛrɛnaman minisiriw nɔnabilali dantigɛ.
Abudulayi Mayiga sugandili ka bila minisiriɲɛmɔgɔya jɔyɔrɔ la fɔlɔ, o kɛra ko kura ye Maliden caman bolo an ka jamana kɔnɔ ; nka a kɛra ka da minisiriɲɛmɔgɔ ka bana kan san kelen ɲɔgɔnna a kɛlen kɔ ka baara daminɛ. Min sugandira ka bila a nɔ na fɔlɔ, o ye baara in kɛ ni wasa fana ye, fo ka Maliden caman fana ka fɔlenw to u kɔnɔ.
Zenerali de kɔri darimɛ Abudulayi Mayiga bangera Bamakɔ mɛkalo tile 12 san 1981. A ye jɔyɔrɔ caman fa sanni a bɛ don gɔfɛrɛnaman kɔnɔ. A kɛra kojugubakɛ ni dansagowale kɛlɛli ani jikantaama baarabolodalen fɛsɛfɛsɛbaa ye Sedeyawo (Cedeao) tɔgɔ la, o ka kɔnkoma ɲɛmɔgɔso la, ka kɛ fɛsɛfɛlikɛla ye kɔnkoma ani ɲɛsigili ni ɲininni kojugubakɛ kan, o cakɛda la Afiriki kelenya tɔnba (UA) tɔgɔ la. A ye karamɔgɔya fana kɛ bɛn sinsinni kalansoba Aliyu Bulɔndi Beyi la, ka yɛlɛma ɲuman don basigi cogoya la.
Dɔkala Yusufu JARA
Berehima DUNBIYA
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
