Nin kunnafoni in lasera kunun ntεnεn sεtanburukalo tile 25 san 2023, mara, desantaralizasɔn minisiri, ni gɔfεrεnaman ka kumalasela don, Kolonεli Abudulayi Mayiga fε, kunnafonidilajε dɔ senfε a ka minisiriso la.
A ka fɔ la, yεlεma donni politikikow ni fangabulonw cogoyaw la, o baara bolodalen sεbεkɔrɔ fεsεfεsεlen, gɔfεrεnaman y’a ŋaniya, ka karan jamanakuntigi kura sigili kalata fɔlɔ ma. O min tun dɔgɔdalen bε ka bila san 2024 feburuyekalo tile 4 kan tako fɔlɔ, an’a tile 18, tako filanan. Nka mɔɔnɔbɔ dɔɔnin kofɔra, ka da fεεrεko gεlεya dɔw kan.
Kolonεli Abudulayi Mayiga ka fɔ la, mɔɔnɔbɔ in kun dɔ ye jamana sariyasunba kura taabolo dɔw matarafali ye kalatako la ; kεrεnkεrεnnenya la, furancε donni jamanakuntigi sigili kalata tako fɔlɔ ni filanan cε, n’o yera a la ; kalatasεbεnw filiw latilenni min bεna kε k’a daminε san 2023 in ɔkutɔburukalo tile 1lɔ la, ka se a desanburukalo tile 31 ma, o tali ba la kalata jεkulu kεrεnkεrεnnen « Aige » fε, san 2024 kalatako la. A kun dɔ fana ye Arawεki (Ravec) sεbεnbaju nɔrɔli ye kεlεkεlε a dilanni Faransi cakεda dɔ fε, n’a bε wele « Idemia », ka ban k’a bolo bɔ o la, k’a bila Mali ka bolo kan.
Nka Kolonεli Abudulayi Mayiga ye jigisigikuma fɔ. A y’a jira, ko jamanakuntigi Kolonεli Asimi Goyita tigεlen don a kan, k’a bεna kalata ninnu waleya jεlenya ani basigi kɔnɔ. A labanna k’a jira, ko kalata nata, a donw bεna da jamanadenw tulo kan kɔfε, n’u ni kalata jεkulu kεrεnkεrεnnen « Aige » tilala kumaɲɔgɔnyaw la.
Fεn min ye kalata tɔw ye, i n’a fɔ Depitew sigili kalata, Senatεriw sigili kalata ani kominiw Kɔnseyew sigili kalata, minisiri ka fɔ la, olu bε boloda kura ye jamanakuntigi kura sigilen fε.
Kalata koɲε siraw ani jamana kuntigi kura sigili min tun kan ka kε 2024 kɔnɔ, o koɲεw filε.
Kunun ntεnεn Sεtanburukalo tile 25 san 2023 in na, kunnafoni dira jamana Minisiriso ɲεmɔgɔ ani furancεlafaɲa ka kumalasεla fε a ka lasigiso l.
Minisiri kolonεli Abudulayi Mayiga y’a jira, k’olu ni jamana ɲεmɔgɔw ka ɲɔgɔnyew sira fε, a jirala ko kalata nataw kεli tεna bɔ fɔlɔ, k’a sababu kε gεlεya caman ye ; i n’a fɔ an ka jamana kalata koɲεw ani basigi siraw, fo ka se kariti biyometiriki sɔrɔbaliya ma jamanadεn dɔw fε. A ni gεlεya wεrεw fana. A ka fɔ ladon kelen ma fɔ kalata nataw la. O hukumu kɔnɔ, olu bεna a don fo don nataw la, ka don sugandi. Nin ka da jamanadenw kulo kan.
Kalata san 2024, a tun cε fɔlɔ in tun kan ka kε feburuyekalo tile 4 ani filanan sεtanburukalo tile18 in na.
Minisiri Mayiga y’a sεmεntiya, ko jamana ka saariya kura taliw la, ni tajεli siraw ye, fo ka se arawεki kεliw ma, an ka jamana na.
A y’a jira, ko furancε kan ka don kalata kεko fɔlɔ ni filanan cε don kelen fana ma fɔ u cε.
« Aige » ka baara kuncεliw la san kuturu bεε la, kalatagafe kɔnɔna kan, ka bɔ ɔkutɔburukalo tile 1lɔ la san 2023 in kɔnɔ. A y’a jira, k’olu ni « Aige » ka baaraɲɔgɔnyaw la, kalata dɔgɔ bεna da, jamanaden bεε kulo kan
A ka kuma kɔnɔ, Abudulayi ye jamanadenw kunnafoni, ko ni jamana kuntigi kura sigilen de na sigidaw ka lasigidenw ka kalata koŋεw labεn sabati an ka jamana kɔnɔ.
Dɔkala Yusufu Jara
Tasuma kasaara dɔ kɛra kunun ntɛnɛn nowanburukalo tile 10 san 2025 KAFO JIGINƐW dagayɔrɔ la ACI 2000 kɔnɔ Bamakɔ. Sapɛri-pɔnpiyew ka wuli ka jɔ joona ani baara kɛtaw mabɛnni kosɔn, kasaara in sera ka dalasa a tuma na mɔgɔ si kelen ni ma to a la. An ye kunnafoniw sɔrɔ Bamakɔ mara.
Ni kumaɲɔgɔnya dɔgɔyara furu kɔnɔ, a bɛ fiɲɛ bila kowkɛcogo ɲuman na furu ɲɔgɔnw cɛ. Sigi gɛlɛyali sababu dɔw bɛse ka kɛ, ɲɔgɔn faamubaliya, yaafabaliya, erezo sosiyowkɔlɔlɔ ani k’i furu ɲɔgɔn jate i n’a fɔ nkunankunan tɛ mɔgɔmin na.
Kunnafoni, numeriki sɔrɔ ni fanga ka baara yɛlɛma kura minisiri ye Mali ka kunnafoni ni lagamuni cakɛda (Amap) ka baara kɛtaw wulili kura ye o ɲɛmɔgɔya kɛ kunun ntɛnɛn ɔkutɔburukalo tile 27 san 2025 Bamakɔ lajɛkɛsoba Seyisebe (CICB) la..
A bɛ tile caman bɔ sa, Mali faaba Bamakɔ tajiko gɛlɛya fanga ka bon yen, o bɛ ka jama dɔgɔya siraw kan k’u tonnen ton tajitayɔrɔw la. Nka o degun n’a ta bɛɛ, mɔgɔw b’a la k’u kologɛlɛya, ka muɲun a ko kɔrɔ, k’a ɲinin ɲɔgɔn fɛ halibi u k’u fanga kɛ kelen ye.
Gɔfɛrɛnaman ye kalanw jɔ fɔlɔ k’a daminɛ ɔkutɔburukalo tile 7 san 2025 jamana fan bɛɛ fɛ ; kalanw wulili kura ye kalo in tile 10 ye..
Ɲɔgɔndɛmɛn ani dɛnkɛrɛ kɛlɛli kalo hukumu kɔnɔ ani musow ka hɛrɛ ɲɛtaa kama, muso, den ni denbaya ɲɛtaa minisiri Madamu Jara Jɛnɛba Sanɔgɔ taara a ɲɛ da Sabalibugu sugu kan sibiri tɛmɛnnen in Bamakɔ faaba komini 5nan na..
