Lajɛba in kɛra nafa ye an ka jamana ma, sabula a kɛra sababu ye, Mali cidenkulu sera ka bɛnkansɛbɛn caman bolonɔbila ni Siniwaw ye : kɛrɛnkɛrɛnnenya la, Safo 2 tile kurandiso jɔli, Mali depitebulon dagayɔrɔ kura jɔli, jabɛti furakɛli kɛnɛyasoba jɔli, olu musakaw. Mali furancɛlafanga jamanakuntigi tun taalen bɛ Sini jamanakuntigi Ki Jipingi ka wele jaabi dɔgɔkun tɛmɛnnen in na Beyijingi, Sini-Afiriki lajɛba 9nan na. O de la jamanakuntigi nanen y’a ka taama in nafaw dantigɛ.
Kolonɛli
Asimi Goyita tun bɛ Afiriki jamanakuntigiw
la, minnu bisilala Sini jamanakuntigi fɛ. U
fila sera k’u sinsin o ɲɔgɔnye
in kan, k’u da se jamana fila in cɛ jɛkabaara
ma, fo k’a ɲinin k’o jɛ in
sankɔrɔta ka
taa a fɛ, u bɛɛ ka
nafaw kama. Mali jamanakuntigi Kolonɛli
Asimi Goita ka fɔ la, Mali ni Sini cɛ ka ɲi kosɛbɛ
balimaya kɔnɔ. U ka jɛ ka
ca ni san 60 ye, wa sanga ni waati bɛɛ la,
a b’a la ka sankɔrɔta ka
taa a fɛ. A ye hakililajigin kɛ,
k’an cɛ ko dɔw ye
lafasa ni basigiko, kalanko, sɛnɛko
ani yeelenko ni jiko ye.
A k’u kumana o koɲɛ ninnu kan kosɛbɛ u ka jɛɲɔgɔnya kɔnɔ. Wa Sini jamanakuntigi Ki Jipingi de y’a laɲinin kɛ, u k’u ka jɛ in sankɔrɔta kosɛbɛ ka taa a fɛ, ka da kun caman kan. O de kosɔn jamana fila ninnu kɔkankow minisiriw bɛna taamaw labɛn u ni ɲɔgɔn cɛ, jɛɲɔgɔnya ko jɔnjɔn dɔw labɛnni kama.
Jamanakuntigii fila ninnu
kumana poroze dɔw kan, minnu tun ka kan
ka dagu nin taama in senfɛ
Beyijingi. N’o ye tile kurandiso Safo 2 waleyali musakako ye. Ala barika la, o ɲɛnabɔra
Kolonɛli Asimi Goyita ka fɔ la, wa
ko poroze nafamaba wɛrɛw bɛ yen,
u b’a fɛ ka minnu waleyali
sennateliya ; i n’a fɔ Mali
depitebulon dagayɔrɔ kura
jɔli. O musaka yɛrɛ tun
labila Mali ye kaban ; nka, ka da gɛlɛya dɔw
kan, laɲinin tun kɛra a
labɔli ka to kɔfɛ la fɔlɔ. Kɔrɔfɔw kɛra poroze
in baaraw wulili kan. Jabɛti
furakɛli kɛnɛyasoba
jɔli musakako fana fɔra. Hakilila
falenw yɛrɛ kɛra
poroze kurakow kan jamana fila in cɛ.
Fɛn min
nafa ka bon kosɛbɛ nin
bɛɛ la ni Sini ye bi, o ye
an jɛlen don danbe minnu
na ; i n’a fɔ jamanaw ka yɛrɛmahɔrɔnya
bonyani, fasojamaw nafaw tali ba la, ani da donbaliya jamana wɛrɛ kɔnɔkow
la. Jamanakuntigi fila ninnu y’a ŋaniya, ka sira bɛɛ
taama u ni ɲɔgɔn cɛ ɲɛta sabatili kama u ka jɛkabaara kɔnɔ, ka ɲɛsin baara jɔnjɔnw
ma.
JƐKABAARA
BƐƐ B’A NIYƆRƆ SƆRƆ MIN
NA- Jamanakuntigi Goyita
ye ɲɛfɔli kɛ a
taamana ka taa a ɲɛ da Siniwajamana cakɛda minnu kan Beyijingi, bɛnkanw bɛ
minnu ni Mali cɛ. A y’a jira k’o cakɛda ninnu taali kun tun ye ka se k’u cɛ bɛnkan
wɛrɛw baaraw dagu olu kɔnɔkow
waleyali kama, ani ka bɛnkan
kɔrɔ dɔw
fana kɔnɔko kologirinya. A k’a kun dɔ fana tun ye ka Mali ka senkɔrɔmadonni
jira u la politikiko nasira la ; sabula a ŋaniya sirila jamanakuntigi Ki Jipingi fɛ, k’an cɛ jɛkabaara sankɔrɔta kosɛbɛ ka se baara kɛta jɔnjɔnw ma.
O de kosɔn, a tun tɛ ɲɛ ni
jigisigikuma ma fɔ u ye Mali ka senkɔrɔmadonniko
la, an ka se ka tɛmɛn ni baaraw ye hakililatigɛ kɔnɔ. Jamanakuntigi bolo, nin bɛɛ de bɛ latɛmɛn ni
hakilila kelen ye ; jɛkabaara
kɔnɔ bɛɛ k’a
niyɔrɔ sɔrɔ.
A ko an ma sira di aw ma dɔrɔn ; an fana nana an ta de ɲinin jɛ in kɔnɔ. Bi, waleya caman b’an bɛɛ fɛ, dɔ mako bɛ min na.
Ka segin « Focac » bɛnkanw ma, jamanakuntigi Goyita y’a jira, ko jamanakuntigi Ki Jipingi ye yiriwali taabolo fila min ta k’an sɛgɛrɛ, o bɛnna an ma ; n’o ye kɛnɛyako, basigiko, kalanko, sɛnɛko, kuranko, sigida n’a lamini kow, waatiyɛlɛma kunkankow. Nin ko ninnu bɛ yiriwali sira fila kofɔlen ninnu kɔnɔ.
DIƝƐ MARACOGO- O kɔfɛ, furancɛlafanga jamanakuntigi da sera u ye kumaɲɔgɔnya min kɛ mara taabolo kan. Sini ni Afiriki fila bɛɛ y’u jɔyɔrɔ dɔn o la, ani k’u fanga ye min ye diɲɛ maracogo la. Afiriki ni Sini fila jama bɛ se diɲɛ jama mumɛ tilalen saba ye, o tila kelen ma. O siratigɛ la, yiriwali politiki si, kɛrɛnkɛrɛnnenya la marako nasira la, o man kan ka kɛ gun fila in kɔkan. O kama, bɛn kɛra a kan ni Sini ye, ka jɛ ka baara kɛ diɲɛ maracogo la. Kolonɛli Goyita fɛ, diɲɛ marali man kan ka to jamana dɔw dɔrɔn bolo, minnu hakili la k’olu dama de ni diɲɛ marali ka kan. A ɲɔgɔnye kɛra hakilila falen kɛnɛ ye, da sera ko ɲuman caman ma min kɔnɔ.
Jamanakuntigi ni
Maliden minnu sigilen bɛ
Sini, u ye ɲɔgɔnye kɛ. A
k’a bɛ Mali tungarankew fo u
ka dɛmɛn na ka ɲɛsin
furancɛlafanga ma. Ka laban
k’u fo u ka timinandiya la jamana yiriwali nasira la. A ɲɔgɔnye
senfɛ, Kolonɛli Asimi Goyita ye ɲɛfɔli
k’u ye, a ni Siniwajamana cakɛdaw
ka ɲɔgɔnyew kɔrɔfɔw kɔnɔkow
kan, wa a b’a ɲinin u fɛ, u k’u sigiyɔrɔ jamana sariyaw bonya. O b’a to lafasacogo ka se ka sɔrɔ u la
u kunkankow la. A ko jamana ɲɛmɔgɔw b’u
jilaja taama nɔgɔyali la u bolo, ani u bɛ se k’u ka baaraw kɛ ni hakililatigɛ ye
cogoya ɲuman na. Jamanakuntigi
k’a wasara kosɛbɛ a ka nin taama fɔlɔ in na Siniwajamana na.
Dɔkala Yusufu JARA
Massa SIDIBE
K’a daminɛ a sigidon na fanga la zuwɛnkalo tile 7 san 2021, ka se bi ma, furancɛlafanga jamanakuntigi Zenerali darimɛ Asimi Goyita bɛ baara la su ni tile walasa ka se ka Mali basigi. Ani kɛrɛnkɛrɛnnenya la, min b’a to an ka jamana bɛ se k’a ka yɛrɛya sɔrɔ ko caman na.
A ka ca ni sefawari miliyari 25 ye, min bɛna labila Siniwajamana gɔfɛrɛnaman fɛ an ka jamanaw ye, walasa u ka se k’u disi da yiriwali gɛlɛyaw furakli la san saba nata kɔnɔ.
Jamanakuntigi Kolonɛli Asimi Goyita bɛ Beyijingi Afiriki-Sini lajɛba 9nan hukumu kɔnɔ. A taara a ɲɛ da Siniwajamana cakɛda fila kan, minnu bɛ sɔn ka kɛ an ka jamana sɔrɔ yiriwali sababuw dɔ ye.
Jamanakuntigi fila ninnu ye ɲɔgɔnye kɛ kunun ntɛnɛn jamanakuntigiso la Beyijingi. jɛkabaarasira minnu b’u cɛ, u da sera olu ma, dɔ farali la u fanga kan o hukumu kɔnɔ, fasojama filaw ka hɛrɛ kama.
A ni minisiri caman bɛ ɲɔgɔn fɛ nin taama in na. Jamanakuntigi ni maaba caman bɛna ɲɔgɔnyew kɛ ani ka taa a ɲɛ da Siniwajamana kɔnɔ cakɛda dɔw kan lajɛ in kuntaala kɔnɔna na.
