Jamana ka yɛrɛmahɔrɔnya labatoli ye fɛnba ye dɔ farali la teriya jɔnjɔn kuntaala jan fanga kan. Walasa ka se ka baara kɛ o siratigɛ la, Mali ni Siniwajamana jamanakuntigiw y’a ŋaniya ka dɔ fara u ni ɲɔgɔn cɛ jɛɲɔgɔnya sankɔrɔta kan. O de kɛra cikan ye, an ye min faamuya furancɛlafanga jamanakuntigi Kolonɛli Asimi Goyita ni Siniwamajana jamakuntigi Ki Jinpingi ka ɲɔgɔnye la ntɛnɛndon sɛtanburukalo til 02 san 2024, u ka jamanaknitigiso kɔnɔ.
Jama min bɛ Mali jamanakuntigi nɔfɛ taama in na, ɲɔgɔnye in mɔɔnɔbɔra u fana ka se ye a la. U fila ka tɛgɛdonbolo cogoya b’a jira ko nisɔndiya bɛ yen. A bɛ mɔgɔ hakili jigin Ala m’an hinɛna jamanakuntigi kɔrɔ Modibo Keyita la, o ni Mawo Zedungi ta la, ka teriyasira jɔnjɔn jira hakililaw ni yecogow kɛli la ka ɲɔgɔn ta.
Jamanakuntigi fila ninnu jɛra ka laseli kɛ, min kɔnɔ nin y’a siɲɛ fɔlɔ ye, Siniwajamana ka kɔkandɛmɛn taabolo seegin ka faranfasiya : jamana ka yɛrɛmahɔrɔnya labatoli, nafoloko yiriwali i yɛrɛ kolo la, da donbaliya jamana wɛrɛ ka ko la.... O taabolo ninnu ye kuntilenna ye teriya kɔnɔ, ani Mali ni Siniwajamana cɛ jɛkabaarako la, o min tɛ bi ko ye, ko kɛta fɔlɔw fana don Siniwajamana ni Afiriki ka jɛ kɔnɔ.
Dɔkala Yusufu JARA
Massa SIDIBE
K’a daminɛ a sigidon na fanga la zuwɛnkalo tile 7 san 2021, ka se bi ma, furancɛlafanga jamanakuntigi Zenerali darimɛ Asimi Goyita bɛ baara la su ni tile walasa ka se ka Mali basigi. Ani kɛrɛnkɛrɛnnenya la, min b’a to an ka jamana bɛ se k’a ka yɛrɛya sɔrɔ ko caman na.
Kumaɲɔgɔnya dɔ senfɛ Mali kunnafonidilaw ɲɛkɔrɔ, jamanakuntigi Asimi Goyita da sera a ka taama kɔnɔko ma Beyijingi, Sini-Afiriki lajɛba « Fecac » tako 9nan na san 2024..
A ka ca ni sefawari miliyari 25 ye, min bɛna labila Siniwajamana gɔfɛrɛnaman fɛ an ka jamanaw ye, walasa u ka se k’u disi da yiriwali gɛlɛyaw furakli la san saba nata kɔnɔ.
Jamanakuntigi Kolonɛli Asimi Goyita bɛ Beyijingi Afiriki-Sini lajɛba 9nan hukumu kɔnɔ. A taara a ɲɛ da Siniwajamana cakɛda fila kan, minnu bɛ sɔn ka kɛ an ka jamana sɔrɔ yiriwali sababuw dɔ ye.
A ni minisiri caman bɛ ɲɔgɔn fɛ nin taama in na. Jamanakuntigi ni maaba caman bɛna ɲɔgɔnyew kɛ ani ka taa a ɲɛ da Siniwajamana kɔnɔ cakɛda dɔw kan lajɛ in kuntaala kɔnɔna na.
